AQSh prezıdenti Barak Obama Gýantanamo túrmesin jabý máselesine qatysty tıisti oryndardyń ókilderimen kezdesti. Bul týraly RBK saıty habarlady.
Kezdesý barysynda Barak Obama Gýantanamonyń jabylýy qajet dep esepteıtinin jetkizdi. Onyń bul nıetin AQSh Qorǵanys mınıstrligi men Memlekettik departamentiniń ókilderi qoldady.
Barak Obama prezıdenttik saılaýǵa túsip jatqan kezinde atalǵan túrmeni jabamyn dep ýáde bergen. Keıinnen osy ýádesin oryndaýǵa talpynǵan da bolatyn. Biraq, onyń oıyn AQSh Kongresi maquldamaı tastaǵan.
Degenmen, AQSh prezıdenti 2013 jyldyń mamyrynda Gýantanamodaǵy tutqyndardy AQSh aımaǵyna ákelý úshin arnaıy oryn daıyndaýdy Pentagonǵa tapsyrǵan.
Barak Obama AQSh Kongresinen Gýantanamony jabýǵa qarjy bólýdi suraýda.
Qazirgi tańda 2001 jyldyń 11 qyrkúıeginde qurylǵan Gýantanamo túrmesinde 164 adam qamalyp otyr. Bir qyzyǵy, olardyń keıbireýlerine qandaı aıyp taǵylǵany da belgisiz kórinedi.
Joldybaı Bazar.