Meksıkadan AQSh-qa esirtki jáne basqa da kontrabandalyq zattar tasymaldanyp kelgen jerasty joly tabyldy. Bul týraly NTD telearnasy habarlady.
Atalǵan jerasty jolymen Meksıkanyń Tıhýana qalasynan AQSh-tyń San-Dıego shaharyna kedergisiz jetýge bolady eken.
AQSh-tyń arnaıy qyzmetiniń ókilderi «sýper tonnel» dep aıdar taqqan bul jol asa yjdahattylyqpen salynypty. Zaman talabyna saı jabdyqtalǵan «sýper tonnelge» elektr júıesi, jeldetkish qurylǵylary, gıdravlıkalyq esikter ornatylyp, elektrondy temir jol tóselgen.
Bılik oryndary bul jerasty jolyn esirtki saýdasymen keń aýqymda shuǵyldanatyn meksıkalyq «Sınaloa» toby paıdalanyp kelgen dep eseptep otyr.
Uzyndyǵy 536 metrdi quraıtyn «sýper tonnel» San-Dıego óndiristik aımaǵyna qarasty qoımalardyń birine baryp tuıyqtalypty.
Tonneldi tekserý barysynda úsh adam tutqyndalǵan. Sondaı-aq, 7700 kılogramm marıhýana men 147 kılogramm kokaın tabylǵan.
2008 jyldan beri Meksıka men AQSh-tyń ońtústik-batys shekarasynan 75 jerasty joly tabylǵan.
Joldybaı Bazar.