Qazirgi kúni elimizdegi astyq alańynyń 93,4 paıyzy jınalyp, qambaǵa 18 mln-nan astam astyq bastyryldy, dep habarlaıdy Egemen.kz
Aýyl sharýashylyǵy mınıstri Úkimet otyrysynda bıyl egin jınaý naýqanynyń qarqyny ótken jylǵa qaraǵanda joǵary ekenin jáne gektaryna ortasha eseppen 12,3 sentnerden jınalǵanyn málimdedi.
Mınıstrdiń aıtýynsha, astyq qabyldaý kásiporyndaryna barlyǵy 3,0 mln tonna astyq tústi, bul 2019 jylǵy osyndaı merzimde astyq qabyldaý kásiporyndaryna saqtaýǵa kelip túsken astyq kóleminen 2,1 ese kóp.
"Dándi jáne dándi-burshaqty daqyldar óndirisiniń boljamdy kólemi eldiń ishki qajettilikterin tolyqtaı qamtamasyz etýge múmkindik beretinin atap ótkim keledi", dedi Saparhan Omarov.
Sondaı-aq AShM basshysy otandyq bıdaı men un qaı elderge eksportalatynyn atap ótti."
Jańa maýsymda qazaqstandyq bıdaı men unnyń negizgi jetkizilimderi dástúrli túrde Orta Azııa elderi men Aýǵanstan naryǵyna joldanatyn bolady", dedi S.Omarov.