Danelııa Týleshova America's Got Talent fınalynda óner kórsetti, dep habarlaıdy Egemen.kz.
Fınalda 14 jastaǵy qazaqstandyq jas daryn Sia atty ánshiniń "Alive" ánin shyrqady. "Bul sonshalyqty ońaı kompozısııa emes. Daıyndyqqa ýaqyt az qalsa da, biz osy ándi tańdadyq. Meni qoldap, jyly sózin aıamaǵan jandardyń bárine alǵysym sheksiz, bul men úshin óte mańyzdy", deıdi oryndaýshy.
Danelııa Tóleshovanyń PR-dırektory Tatıana Sınenkonyń sózine sensek, endi aldyńǵy eki týr sekildi munda da bir táýlik boıy kórermender ózi unatqan oryndaýshysyna daýys beredi, al onyń nátıjesi erteń jarııalanady.
Jalpy, baıqaýdyń sońǵy sheshýshi kezeńinde 10 ánshi baq synaǵan, onyń ishinde altaýy - ártúrli jastaǵy vokalıster.