Búgin elordada Abadan jekemenshik balabaqshasy ashyldy. Mekemeniń jalpy aýdany – 1,6 ga. Memlekettik-jeke menshik áriptestik aıasynda salynǵan ǵımarattyń aýmaǵy – 8 myń sharshy metr. Jeke ınvestısııalar somasy 2 mlrd teńgeni quraıdy, dep habarlaıdy Egemen.kz elorda ákimdigine silteme jasap.
"Balabaqshanyń ereksheligi – 18 topqa arnalǵan. Aldaǵy ýaqytta sabaqtardy aǵylshyn tilinde ótkizý josparlanyp otyr. Iаǵnı, balalarmen aǵylshyn tilinde oqý-tárbıe prosesin júrgizetin mamandar shaqyrylady. Sondaı-aq balalarǵa arnalǵan keń oryndar qarastyrylǵan: akt zaly, basseın, sport zaly. Ár top úshin jeke jatyn bólme, sheshinetin bólme bar", dedi Nur-Sultan qalasy Bilim basqarmasynyń mektepke deıingi uıymdar bóliminiń basshysy Aıgúl Erejepova.
Balabaqsha 360 orynǵa arnalǵan. Bul mekemede 36 tárbıeshi jáne 10-ǵa jýyq arnaıy maman jumysqa kirisedi dep kútilýde. Olar – beıneleý óneri, dene shynyqtyrý muǵalimderi, aǵylshyn tilin tasymaldaýshylar.
Shekteý sharalaryna baılanysty 15 adamnan turatyn kezekshi toptar jumys isteıdi.
"Ata-analardan ótinishter túsip jatyr. Qazirdiń ózinde 15 bala bar. Bas memlekettik sanıtarlyq dárigerdiń qaýlysy boıynsha, sanıtarlyq normalar saqtaldy", dedi Aıgúl Erejepova.
Balabaqshada júzý, fýtbol, karate, shahmat, horeografııa, beıneleý óneri, robototehnıka, teatr óneri jáne qysh óneri sııaqty 10-ǵa jýyq úıirme bar.
Sonymen qatar balabaqshada eki oqshaýlaǵysh jáne tuz bólmesi, medısınalyq blok, psıholog pen logoped kabınetteri, as bólimi, kir jýatyn bólme, sondaı-aq ınfraqyzyl saýnasy bar basseın qarastyrylǵan.