Kelýshiler sanıtarlyq-epıdemııalyq normalardy saqtaýdy umytpaýy kerek, dep habarlaıdy Egemen.kz elorda ákimdigine silteme jasap.
3-4 qazan kúnderi "Han Shatyr" SOO janyndaǵy alańda (Qonaev kóshesi men Turan dańǵylynyń qıylysy) Qostanaı jáne Qaraǵandy oblystarynyń qatysýymen jármeńke ótedi.
Eki kún ishinde 14 aýdan men 7 qaladan 130-dan astam kásiporyn aýyl sharýashylyǵy ónimderin satatyn bolady.
Jármeńkede sút, et ónimderin shyǵaratyn respýblıkaǵa jáne shet elge tanymal kásiporyn brendteri óz ónimderin usynady: "Shahterskoe" JShS, "Nátıje" JShS, "Redmılk" JShS, "EvrazııanFýds" JShS, "Qulager", "Dedov" JShS, “Mesger” JShS, "Mılh" JShS, "DEP" JShS, "Lıder-2010" JShS, "Baıan Sulý" AQ, "Terra" ShQ, "Qarjaý" ShQ, "TERRA MEAT" JShS, "Torǵaı Et" JShS, "Qorǵaý" JShS, "Sher-777" JShS jáne t.b.
Kásiporyndar 980 tonna kóleminde 100-den astam ónim túrin satýdy josparlap otyr. Onyń ishinde túrli mal eti – 150 tonnadan astam, sút ónimderi – 50 tonna; shujyq ónimderi jáne jartylaı et ónimderi – 20 tonna, balyq – 5 tonna; jarma jáne makaron ónimderi – 30 tonna; kartop pen kókónis – 60 tonna; un – 50 tonna.
Sondaı-aq usynylǵan ónimderdiń assortımentine nan-toqash, kondıterlik ónimder, bal jáne t. b. kiredi.
Barlyq ónim ortasha naryqtyq baǵadan 10-15% tómen satylatyn bolady.
Kelýshiler sanıtarlyq-epıdemııalyq normalar men qashyqtyqty saqtaýdy, maska taǵýdy jáne sanıtaızerlerdi qoldanýdy umytpaýy kerek.