Qazaqstandaǵy eń iri bazarlardyń biri karantın saldarynan 6 aı boıy jabyq tur, dep habarlaıdy Egemen.kz
Fermerler 6 aıdan beri saýda oryndarynda mal satyp ala almaıdy, ne ony sata almaıdy.
Qarabulaq aýylyndaǵy mal bazardyń janyna kúnde ondaǵan satýshy jınalady.
Olardyń aıtýynsha, bazar ashylmaǵandyqtan, saýdagerler shyǵynǵa batyp otyr.
"Nesıelerimiz bar. Áreń tólep otyrmyz. Biz mal satýmen ǵana aınalysamyz. Otbasymyzdy da osylaı asyraımyz. Endi munda jumys joq. Jumys isteıin deseń ne fabrıka, ne zaýyt joq. Bul bazar Qazaqstandaǵy eń iri mal bazar edi, 7 myńǵa deıin mal syıatyn. Elimizdiń ár túkpirinen jylqy, sıyr, qoı ákeletin. Qazir bazar jabyq turǵan soń saýdagerler shyǵynǵa batyp jatyr", dedi Qarabulaq aýylynyń turǵyny Bahadyr Mamasalıev.
Al Tarazdyq kásipker Erjan Toǵysbek bul jaǵdaı ettiń baǵasyna aıtarlyqtaı áser etetinin atap ótti.
"Bári qymbattaıdy. Sebebi endi biz bul jerden maldy arzan baǵaǵa satyp ala almaımyz. Bul negizgi bazar edi, biraq ol jabyq tur", dedi ol.