Asqar Jeńisuly Shoqybaev Syrtqy ister mınıstrligi Investısııa komıtetiniń Tóraǵasy bolyp taǵaıyndaldy, dep habarlaıdy Egemen.kz SIM silteme jasap.
1974 jyly dúnıege kelgen. 1996 jyly "Shyǵystaný" mamandyǵy boıynsha Ál-Farabı atyndaǵy Qazaq ulttyq ýnıversıtetin támamdaǵan.
Eńbek jolyn 1997 jyly QR Syrtqy ister mınıstrliginde bastady. Ár jyldary "Qazaqoıl", "Qazaqtelekom", "QazTransGaz" ulttyq kompanııalarynda, sondaı-aq Prezıdent Ákimshiliginiń Syrtqy saıasat ortalyǵynda túrli laýazymdarda qyzmet atqardy. 2008-2012 jyldar aralyǵynda Qazaqstannyń Stambýldaǵy Bas konsýly, al 2012-2014 jyldary – Qazaqstannyń Dýbaıdaǵy bas konsýly boldy.
Syrtqy ister mınıstrligi Investısııa komıtetiniń Tóraǵasy laýazymyna taǵaıyndalǵanǵa deıin 2014 jyldan bastap Qazaqstannyń Katar Memleketindegi Elshisi qyzmetin atqardy.
Ekinshi synypty Tótenshe jáne О́kiletti Ýákil dıplomattyq dárejesine ıe. Arab jáne aǵylshyn tilderin meńgergen.