Memleket basshysy Qasym-Jomart Toqaev Qazaqstan Respýblıkasynyń Básekelestikti qorǵaý jáne damytý agenttiginiń keıbir máseleleri týraly Jarlyqqa qol qoıdy, dep habarlaıdy Egemen.kz Aqordanyń baspasóz qyzmetine silteme jasap.
Qujatta Qazaqstan Respýblıkasynyń Básekelestikti qorǵaý jáne damytý agenttigi týraly ereje sondaı-aq agenttiktiń qurylymy qosa berilgen.
"Agenttikke Qazaqstan Respýblıkasy Saýda jáne ıntegrasııa mınıstrliginiń taýar bırjalary salasyndaǵy qyzmetti memlekettik baqylaýdy jáne lısenzııalaýdy júzege asyrý jónindegi fýnksııalary men ókilettikteri berilsin. Qazaqstan Respýblıkasynyń Úkimeti osy Jarlyqtan týyndaıtyn ózge de sharalardy qabyldasyn. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. Jarlyq qol qoıylǵan kúninen bastap qoldanysqa engiziledi jáne resmı jarııalanýǵa tıis", delingen Jarlyqta.
Qujattyń tolyq mátinimen myna siltemede tanysýǵa bolady.