Qazposhta salasynda 30 jyldaı eńbek etip, zeınetke shyqtym. Ol zamanda jumysty tehnıkanyń kúshimen emes, barlyǵyn óz qolymyzben isteıtinbiz. Ár poshta mekemesine gazet-jýrnal jetkizýge arnaıy kólikter keletin.
Poshtashylar ózderiniń sómkelerine syıǵanynsha gazet-jýrnal, hat-habardy salyp, kúnde qala kezip júretin. Shahardyń ár aýdan, kóshelerinde arnaıy poshta jáshikteri ornatylyp, esigi qulyptanatyn. Táýelsizdiktiń alǵashqy jyldary hat, sálemdeme óte kóp bolǵandyqtan bos otyrýǵa ýaqyt bolmaıtyn. Poshtaǵa kelgen turǵyndarǵa durys qyzmet kórsetýge tyrysatynbyz.
Osy saladaǵy eńbegimdi elep eskerip, óńirden Máskeýde ótken Keńester Odaǵynyń alqaly jıyndaryna delegat bolyp qatysyp qaıttym. Osy salada tapjylmaı jumys istep 2008 jyly ujymdastar on birinshi poshta bólimshesinen qurmetti zeınetkerlikke shyǵaryp saldy.
Amangúl BEISENOVA,
zeınetker, poshta salasynyń úzdik mamany