Aýyl sharýashylyǵyn qarjylaı qoldaý qory «Qaryzdy ósimpulsyz tóle!» aksııasyn ótkizip jatyr. 2020 jyldyń 18-qyrkúıegi men 20-jeltoqsany aralyǵynda bıylǵy 18-qyrkúıekke deıin merzimi ótken bereshegi bolǵan qaryz ben lızıng alýshylar (jeke jáne zańdy tulǵalar) ony ósimpulsyz óteı alady.
«2020-jyldyń 18-qyrkúıegine deıin qor aldynda merzimi ótken mindettemeleri bar kásipkerlerge jeńildik jasaýdy qolǵa aldyq. Mysaly, merzimi ótken negizgi boryshty, syıaqyny, merzimi ótken negizgi borysh pen aıyppul eseptelgen syıaqy somasyn (bereshekti óndirip alý týraly sot sheshimi bolǵan kezde) tolyq ótegenderdiń ósimpuly alynyp tastalady», deıdi «Aýyl sharýashylyǵyn qarjylaı qoldaý qory» AQ Problemalyq qaryzdarmen jumys jónindegi departament dırektory Danııar Serik.
Aksııa aıasynda bereshekti óteý qarajatty qordyń esep aıyrysý shotyna aýdarý arqyly júrgiziledi.
Aıta ketý kerek, mundaı is-shara 2015-2019-jyldary sátti iske asyp, nátıjeli bolǵan. Osy kezeńde «Qaryzdy ósimsizpulsyz tóle!» aksııasy aıasynda qaryz alýshylar jalpy somasy shamamen 2,5 mlrd teńgeniń merzimi ótken bereshegin ótegen bolatyn. Esepten shyǵarylǵan ósimpul somasy 183,7 mln teńgeni quraǵan edi.
Osy joly da atalǵan qor aksııaǵa belsendi túrde qatysýǵa shaqyrady. Aksııaǵa qatysý úshin qordyń oblys ortalyqtarynda jáne Nur-Sultan, Almaty, Shymkent, Semeı qalalarynda ornalasqan fılıaldaryna júginý qajet. Qosymsha aqparatty 8-800-80-35-05 telefon nómiri arqyly bilýge bolady.