"Qazgeologııa" AQ Soltústik Aqtan ken kórinisinde izdeý-baǵalaý jumystaryn júrgizýde. Ýchaskeniń alańy 0,332 km2 quraıdy, - dep habarlaıdy Egemen.kz
Jumystyń maqsaty - qorǵasyn, myrysh jáne ózge de paıdaly qazbalar ken kórinisteri men perspektıvaly ýchaskelerin ajyratyp, kontýryn jasaý, S2sanaty boıynsha qorǵasyn, myrysh qorlaryn, boljamdy resýrstaryn baǵalaý, sondaı-aq aldyn-ala geologııalyq-ekonomıkalyq baǵalaý júrgizý jáne geologııalyq barlaý jumystaryn odan ári júrgizýdi negizdeý.
Aldyn-ala derekter boıynsha Soltústik Aqtan ken jaǵdaıy qorǵasyn, myrysh mıneraldanýynyń temperatýrasy tómen kórinisterine jatady, ol arakidik skanerlengen jynystar aımaqtarynda (metasomatıkalyq ózgerister aımaqtary) ornalasýy yqtımal.
2018 jyly jelidegi alańda magnıtti barlaý ári VP-SG ádisimen elektr barlaýyn qamtıtyn geologııalyq-geofızıkalyq jumystar kesheni oryndaldy. Sol jyly kólemi 6200 q.m. tereńdigi 100-120 m 62 uńǵyma burǵylandy.
Uńǵymalarda qýaty 1,0 den 7,0 m deıingi qorǵasyn, myrysh mıneraldanýynyń aımaqtary anyqtaldy.
2019-2020 jyldary geofızıkalyq anomaldy aımaqtardy baǵalaý, sondaı-aq buryn alynǵan derekterdiń qorytyndysy boıynsha kendenýdi tereńdikke baqylaý úshin 7900 q.m. kóleminde tereńdigi 150-300 m burǵylandy.
Osy jumystardyń nátıjesinde burǵylanǵan uńǵymalarda metasomatıkalyq ózgergen jynystar aımaǵynda sfalerıt, galenıt jáne pırıttiń óte mol mıneraldanýy kórinetin sýlfıdti mıneraldaný baıqalady.