Bıylǵy jyldyń 9 aıynda josparlanǵan izdestirý is-sharalary barysynda 348 uıaly baılanys quraldary, 105 tesýge jáne kesýge arnalǵan zattar tárkilendi, dep habarlaıdy Egemen.kz.
Aımaqtyq vedomstvanyń habarlaýynsha, olardyń kópshiligi sottalýshylardan Lornet - 36 arnaıy izdeý qurylǵyny qoldanýdyń nátıjesinde tárkilenip otyr.
Bul qurylǵy qosylýly jáne óshirýli turǵan elektrondyq qurylǵylardy izdeýge jáne anyqtaýǵa arnalǵan. Apparattyń jumysy jartylaı ótkizgish elementterdiń zondty mıkrotolqyndy sıgnalmen sáýlelengen kezde ekinshi jáne úshinshi garmonıkany qaıta shyǵarý qasıetine negizdelgen. Qurylǵy kedergi keltirmeıtin jıilikti qabyldaýdyń eń jaqsy arnasyn avtomatty túrde tabady, bul tipti qıyn elektromagnıttik ortada qurylǵymen jumys isteýge múmkindik beredi.
"Mekeme aýmaǵyna tyıym salynǵan zattardyń kirýine jol bermeıtin qoldanystaǵy sharalarǵa qaramastan, mysaly uıaly baılanysty óshirgish, mańaıdaǵy aýmaqty patrýldeý, beınebaqylaý, kelýshilerdi rentgen jáne metall detektory arqyly tekserý, tyıym salynǵan zattar túzeý mekemesine kirip ketýde. Bul rette mekeme ishinde de izdeý jumystaryn júrgizý tártibi bekitilgen. Iаǵnı, sottalýshylar jasyrǵan uıaly telefondar, kesýge jáne tesýge arnalǵan zattardy izdeýdi aıtarlyqtaı jeńildetetin arnaıy quraldar qoldanylady", deıdi Mańǵystaý oblysy boıynsha qylmystyq-atqarý júıesi departamenti basshysynyń orynbasary zań ǵylymdarynyń magıstri, Ádilet podpolkovnıgi Qanat Jarylǵapov.
Mańǵystaý oblysy