Osydan 15 shaqty jyl buryn «Qazaq ádebıetin» basqaryp júrgenimde Elbasy N.Nazarbaevtan gazet úshin «Ádebıet – rýhanııat qaınary» degen taqyrypta suhbat alǵan edim.
Sonda áńgimemiz Abaı týraly da órbigen. Elbasy: «Abaıdyń aqyly, Jambyldyń jyrynsyz ósken urpaq ýyzyna jarı qoıa ma?.. Abaı óleńderin qaıtalap oqyǵan saıyn jańa qyrynan tanı túsemin. Asyl oı, tozbas tujyrym aldymnan shyǵady da turady. Abaıdyń qos tomdyǵyn qaıta-qaıta oqýdamyn. «Myńmen jalǵyz alystym, kiná qoıma», degen daýysy alystan talyp estiledi... Ulylyqtyń eshbir shekteý men ólshemge kelmes qudireti osyndaı-aq bolar» degen edi.
Al uly Abaıdyń 175 jyldyǵyna arnap jazǵan maqalasynda jasynan uly hakimniń jyry men qara sózderinen nár alyp, óziniń búkil ǵumyrynyń baǵdar berýshi temirqazyǵyna aınaldyrǵanyn aıtqan eken.
«Keıde bizdiń býyn ómir boıyna uly Abaı mektebinen, ıaǵnı ǵulamanyń muhıttaı shalqar oı qazynasynan tolassyz bilim alyp kele jatqandaı kórinedi» depti. Ol qandaı irgeli isti qolǵa alsa da Abaıǵa júginip otyrǵanyn, uly oıshyldyń týǵan topyraǵyn 40 jyl boıy ýlap kelgen tajaldy polıgonnyń jabylýy týraly Jarlyqqa qol qoıǵanda da danyshpannyń sózi oıynda turǵanyn tilge tıek etipti.
Abaı aıtqan «Adamzattyń bárin súı baýyrym dep» degen gýmanıstik qaǵıda qazaq ulty men basqa ulystardyń basyn birlik ıdeıasyna baǵyndyratyn jańa táýelsiz memleket qurýda basty ustanymǵa aınalǵan eken.
«El birligi uranyn baǵzy zamandardan beri talaı suńǵyla babalarymyz qaıta-qaıta kóterip otyrǵan. Sonaý HVIII ǵasyrdyń ózinde Buqar jyraý:
...Eger Abylaı aldynda bitpeseń,
Atasyn bilmes alyspyn.
Kóshiń keter bir jaqqa,
Malyń keter bir jaqqa,
Kósh sońynda jete almaı
Esiń shyǵar sol shaqta, – dep birlikke shaqyrsa, Abaı: «Birińdi, qazaq, biriń dos, Kórmeseń istiń bári bos» dep, HIH ǵasyrda-aq birlik arqyly kúlli adamzattyń kóshine ilese bilýge shaqyrdy», – dep jazady Elbasy «Abaı amanaty» atty maqalasynda.
Uly Abaıdyń 175 jyldyǵy álemdi qaýsyrǵan pandemııaǵa tuspa-tus kelgenine qynjyla otyryp, bul ýaqytsha qıyndyqty eńseretinimizge senim bildiredi.
Abaıdyń amanatyn oryndaı bilgen Alash urpaqtarynyń keleshegi zor bolatynyna bizdiń de senimimiz kámil.
Ulyqbek ESDÁÝLET,
aqyn, Memlekettik syılyqtyń laýreaty, Qazaqstan Jazýshylar odaǵy basqarmasynyń tóraǵasy