Pavlodar oblysynyń Kásipkerlik jáne saýda basqarmasynyń basshysy laýazymyna Aıbek Tursynǵalıev taǵaıyndaldy, dep habarlaıdy Egemen.kz
Buǵan deıin A.Tursynǵalıev "Kazakh Invest" Ulttyq kompanııasy" AQ-nyń basqarýshy dırektory bolyp qyzmet atqardy.
Pavlodar oblysynyń ákimi Ábilqaıyr Sqaqov jańa basshyny keńes barysynda tanystyrdy. Aıbek Tursynǵalıev 1988 jyly týǵan. 2013 jyly Shyǵys Qazaqstan óńirlik ýnıversıtetin "Quqyqtaný" mamandyǵy boıynsha támamdaǵan. 2015 jyly Qazaq ınnovasııalyq gýmanıtarlyq-zań ýnıversıtetinde ekonomıka jáne bıznes magıstri dárejesin aldy.
Eńbek jolyn 2010 jyly elordada "Kulager" qurylys korporasııasy" JShS-da zańger qyzmetinen bastaǵan.
2011-2014 jyldar aralyǵynda "Petroleum consultants" JShS jáne "Nur-Sýat" JShS zań bólimderin basqardy.
2014-2017 jyldary – "KAZNEX INVEST" eksport jáne ınvestısııalar ulttyq agenttigi" AQ arnaıy ekonomıkalyq aımaqtardy qarjylyq jáne tehnıkalyq taldaý departamentinde menedjer.
2017-2018 jyldary – Shymkent qalasyndaǵy "Ońtústik" arnaıy ekonomıkalyq aımaǵynyń basqarýshy kompanııasy" AQ basqarma tóraǵasynyń orynbasary jáne birinshi orynbasary.
2018 jyly "Pavlodar" arnaıy ekonomıkalyq aımaǵynyń basqarýshy kompanııasy" AQ-ny basqardy.
2019 jyly Ekibastuz ákimi keńesshisiniń mindetin atqarýshy bolyp taǵaıyndaldy.
2019 jylǵy qazanda "Kazakh Invest" Ulttyq kompanııasy" AQ-ǵa jumysqa aýysty, onda bir jyl ishinde óńirlermen ózara is-qımyl departamenti tobynyń dırektory jáne basqarýshy dırektory laýazymynda jumys istedi.