BUUDB men Memlekettik qyzmet isteri agenttigi sıfrlyq transformasııaǵa basa nazar sala otyryp, yntymaqtastyqty nyǵaıtady, dep habarlaıdy Egemen.kz
Qazaqstan Respýblıkasy Memlekettik qyzmet isteri agenttiginiń tóraıymy Anar Jaıylǵanova men BUUDB-nyń Qazaqstandaǵy turaqty ókili Iаkýp Berısh seriktestik pen 2021-2025 jyldarǵa arnalǵan eldik baǵdarlama aıasynda ári qaraıǵy yntymaqtastyqtyń basymdyqtaryn talqylaý maqsatynda kezdesý ótkizdi.
Kezdesý barysynda Anar Jaıylǵanova Prezıdent Qasym - Jomart Toqaevtyń sońǵy joldaýyna baılanysty Agenttik tarapynan memlekettik qyzmetti transformasııalaýdyń basym baǵyttary týraly kózqarasymen bólisti. "Agenttik qazaqstandyq memlekettik qyzmet tıimdiligin, memlekettik qyzmet sapasyn arttyrý jáne pandemııa jaǵdaıynda memlekettik apparatty odan ári kásibılendirý maqsatynda BUUDB-men yntymaqtastyqty jalǵastyrýǵa múddeli", dedi Anar Jaıylǵanova.
BUUDB men Agenttiktiń birlese júzege asyrǵan sońǵy is-sharalaryna memlekettik qyzmetterdi, onyń ishinde sıfrlyq formatta usynylatyn memlekettik qyzmetterdi biryńǵaı baǵalaýdy ázirleý, memlekettik qyzmetter jáne memlekettik qyzmetshilerdiń etıkasyn baǵalaý máseleleri boıynsha áleýmettik saýalnamalar júrgizý, memlekettik qyzmetshilerdiń jańa Ádep kodeksiniń jobasyn ázirleý, sondaı-aq úkimettik emes uıymdardyń memlekettik qyzmetter qoǵamdyq monıtorıngine qatysý áleýetin arttyrý kiredi.
Memlekettik qyzmet isteri agenttigi men BUUDB personaldy basqarý salasyndaǵy birqatar jobalardy, sonyń ishinde barlyq memlekettik organdarda iske qosý josparlanǵan memlekettik qyzmetkerler eńbekaqysyn tóleý júıesine faktor-baldyq shkalany engizý jáne kadrlyq qyzmetter jumysynyń sıfrly platformasy i-Qyzmet bastamasyn pılottyq synaqtan ótkizdi.
"BUUDB nátıjesinde birqatar sátti jobalar men mańyzdy bastamalar birlese júzege asyrylǵan Memlekettik qyzmet agenttigimen uzaq merzimdi seriktestikti joǵary baǵalaıdy. Biz birinshi kezekte tolassyz sıfrlandyrý, memlekettik qyzmetshilerdi jańa daǵdylarǵa úıretý jáne jalpy, daǵdarystarǵa qarsy turýǵa daıyn bolý baǵyttaryna asa nazar aýdara otyryp, memlekettik qyzmet júıesin nyǵaıtý salasynda jumysymyzdy jalǵastyrmaqpyz", dep atap ótti Iаkýp Berısh.
Qazaqstanda COVID-19 pandemııasy bastalǵannan beri BUUDB Astana memlekettik qyzmet habymen seriktestikte úkimetke memlekettik organdar bıznes-prosesteriniń sabaqtastyǵyn qamtamasyz etýde qoldaý kórsetip keledi. Ortalyq jáne jergilikti atqarýshy organdardyń memlekettik qyzmetshileri qashyqtan jumys isteý jaǵdaıynda óz qyzmetiniń tıimdiligin arttyrý úshin negizgi sıfrlyq jáne kommýnıkatıvtik daǵdylardy damytý boıynsha oqýdan ótti. Sonymen qatar, BUUDB i-Qyzmet aqparattyq júıesin qoldanýdy qosa alǵanda, memlekettik sektordaǵy adam resýrstaryn basqarýdaǵy bıznes-prosesterdi sıfrlandyrý boıynsha usynystar jıyntyǵyn ázirleýge kómektesti.
Kezdesýde adamı kapıtaldy damytý, sıfrlyq oqytý jáne halyqqa memlekettik qyzmetterdi úzdiksiz kórsetý mańyzdylyǵy eskerile otyryp, odan ári yntymaqtastyqty keńeıtýdiń naqty baǵyttary talqylandy.
"Biz Qazaqstan memlekettik qyzmet salasyn qoldaý úshin joǵary kásibı saraptama men ınnovasııalyq sheshimderdi jumyldyrýdy jalǵastyramyz. Bizdiń birlesken kúsh-jigerimiz eldiń barlyq turǵyndaryna paıda ákeletinine senimdimin" dep qorytyndylady BUU Damý baǵdarlamasynyń Qazaqstandaǵy turaqty ókili Iаkýp Berısh.