Bas shahardaǵy "Abý-Dabı Plaza" kópfýnksıonaldy kesheniniń qurylysy 2021 jyly aıaqtalady, dep habarlaıdy Egemen.kz
BAÁ-ge jumys sapary barysynda elorda ákimi Altaı Kólginov pen ádilet mınıstri Marat Beketaev úlesti basqarý jónindegi atqarýshy dırektor Fahad Ál Mahmýdpen, jobalardy basqarý jónindegi bas dırektor Ibragım Ál Magrıbımen, joba dırektory jáne "Aldar Properties" kompanııasynyń baqylaý jónindegi dırektormen kezdesti.
Qurylys kompanııasy Arabtec Holding jobasynyń bas merdigeriniń kúrdeli qarjylyq jaǵdaıy "Abý-Dabı Plaza" qurylysynyń aıaqtalýyna áser etpeıtinin atap ótti. Kezdesýde arab kompanııasy ókilderi sendirgendeı, Covid-19 karantın sharalaryna baılanysty nysandy 2021 jyly tolyq aıaqtaý josparlanyp otyr. Aıta keteıik, saýda-oıyn-saýyq ortalyǵy, qonaq úı kesheni sııaqty kópfýnksıonaldy keshenniń birqatar nysany 2019 jyldyń jeltoqsanynda jáne 2020 jyldyń naýryzynda ashyldy.
Sonymen qatar sapar barysynda elorda ákimi Altaı Kólginov sheteldik ınvestorlarmen kezdesti. Taraptar jeke ınvestısııalar esebinen Nur-Sultanda bilim, medısına, týrızm jáne t.b. saladaǵy birqatar mańyzdy jobany júzege asyrýǵa kelisti. Bul qala ekonomıkasyna jeke ınvestısııa tartyp, jumys oryndaryn qurýǵa múmkindik beredi.