Jańǵyrǵan Jaqsy kelbeti

Uzaq jyldar boıy sheshimin tappaı turǵan másele az emes edi. Qarjynyń joqtyǵy, demeýdiń kemdigi alǵa umtylǵan adamnyń adymyn taryltyp, qolyn qys­qartyp kelgen bolatyn. Bıyl «Aýyl – el besigi» jáne «Ju­mys­pen qamtýdyń Jol kartasy» baǵdarlamalary arqyly qıyn túıinge aınalǵan kúrdeli má­se­leler birtindep sheshimin taýyp jatyr. Ońynan oralǵan oń­taı­ly istiń ıgiligin el kórýde. Memleket qamqorlyǵyna aıtylyp jatqan alǵys ta az emes. Shy­raıy kirgen eldi mekenderdiń tur­ǵyndary ózderi kópten beri jol azabyn, aýyz sýdyń taq­sy­re­tin tartyp kelse, endi mine, kórgen tústeı umytyla bas­­tady. «Agro Jer-1» seriktestigi on bes jyl boıy elektr energııa­sy­na zárý bolyp kelgen bolatyn. Bul máseleni jańa zamanǵy jasyl tehnologııanyń kómegimen sheship, kóp-kórim jaqsy bolyp qal­dy. Dala qosy ornalasqan jer­de sharýashylyqtyń san alýan teh­nı­kasyn jóndeýden ótkizip, jaýyn men jelden panalatatyn oryn, astyq qoımalary, serik­tes­tik jumysshylaryna ja­taqhana, ashana men monsha bar. Mine, osynyń bárine kún sáý­lesi arqyly óndiriletin 3 kı­lo­­vatt, jel elektr stansasy óndi­re­tin 2 kılovatt energııa qýa­ty jetip tur.

Jaqsy aýylyndaǵy uzaq jyldan beri qańyrap bos tur­ǵan orta­lyq aýdandyq aýrý­­hana ǵımaraty bıyl 8 pá­ter­­lik turǵyn úıge laıyq­ta­lyp, qaıta jańǵyrtyldy. «Pav­lodar Energomontaj» serik­tes­tigi qaýsap qalǵan kóne ǵıma­ratty tap-tuınaqtaı etip jón­dep, paıdalanýǵa bermekshi. Jer­gilikti bıýdjetten qurylys ju­mys­taryn júrgizýge 106 mln-nan astam qarajat bólindi. Qaıta jańǵyrtý aldynda synama jumystary júrgizilgenin aıta ketý lázim. Kádege aspaı jatqan «saqaldy» qurylys endi 474 sharshy metrdi quraıtyn 8 pá­ter­ge aınalyp, medısına sala­sy­nyń qyzmetkerlerine beril­mek.

Mundaı jaqsy mysal az emes. Máselen, ortalyqtandyrylǵan kitaphana bıyl jaqsaryp qaldy. Jóndeý jumystaryna 4 mln teńge qarajat bólinip, edeni almastyryldy. Qabyrǵalary da sylanyp, syrlanyp kóz­tar­tarlyq bolyp tur. Jańa jıhazben de qamtamasyz etildi. Endi halyqqa minsiz qyzmet kór­­s­etýge barlyq jaǵdaı bar. Or­ta­lyq­tandyrylǵan kitap­ha­­nanyń dırektory Gúlmıra Ra­ıym­bekovanyń aıtýyna qa­ra­ǵan­da, qazirgi kúni sanı­tar­lyq talapty saqtaı otyryp, mazmundy sha­ra­lardy ótkizý mu­qııat qolǵa alynǵan.

Kóz ushyna iliner qara kezige bermeıtin jalpaq dalada ornalasqan Jaqsy óńirinde aýyz sý tapshylyǵy da seziletin. Chapaı aýylyndaǵy sý bógetin jań­ǵyrtý arqyly kópten qorda­la­nyp qalǵan bul másele ońynan she­shildi. Bul jumysqa oblystyq bıýd­jetten 148 mln teńge qarajat bólinip, tolyq ıgerildi. Júzege asqan jumys barysynda eldi mekendegi taza aýyz sý máselesi birjola sheshilip otyr. Kóktemgi sý tasqyny kezinde qaý­sap turǵan bógetti qyzyl sý jylda shaıyp ketetin. Ár jyl saıyn bóget topyraǵyn nyǵyzdap, jóndeý jumystary júrgiziletin. Biraq onyń ózi de tasqyn sýǵa tosqaýyl bola almaıtyn. Jyrylǵan jerden bar sý aǵyp ketken soń jaz aılarynda sýdyń joqtyǵy úlken másele bolyp kelgen. Endi mine, keı tusyndaǵy bıiktigi 14 metrge deıin jetetin bóget turǵyzyldy. Jumysqa 18 tehnıka men 24 jumysshy jumyldyryldy. «Jumyspen qamtýdyń jol kartasy» baǵdarlamasy sheńberinde negizinen aýyl turǵyndary tartyldy. Qazir sońǵy ju­mys­ta­ry atqarylyp jatyr.

Memlekettik baǵ­dar­la­ma­lar­­dyń nátıjesinde Jaq­synyń jal­paq dalasy kem-ketigin jón­dep, birshama jaq­sa­ryp qaldy. Halqy da berekege baǵyt alǵan is mánin túısinip, tas-túıin birige túsýde.

Aqmola oblysy,

Jaqsy aýdany