163 mlrd teńge medısınalyq kómekti qarjylandyrýǵa baǵyttaldy

Osy jyldyń 8 aıynda MÁMS-ǵa 351,2 mlrd teńge jarnalar men aýda­­rymdar tústi. Bul rette memleket medısınalyq saqtandyrý júıe­­sine negizgi tóleýshi bolyp qala bere­di. Ol 15 jeńildik sanaty úshin jar­na tóleıdi. Memlekettiń jarnalary 197,2 mlrd teńgeni, jumys berýshilerdiń aýdarymdary – 100,9 mlrd teńgeni qurady. Onyń ishinde 50,8 mlrd teńgeni qyz­metkerler, jeke kásipkerler, jeke praktıkamen aınalysatyn adam­dar, óz-ózine tóleýshiler jarnalary, 2,3 mlrd teńgeni biryńǵaı jınaqtaýshy zeı­netaqy jarnalary qurady.

MÁMS úshin jarnalar men aýda­rymdar Ulttyq banktegi arnaıy shotqa túsetinin, sodan keıin qarajat MÁMS paketi boıynsha kórsetilgen medısınalyq qyzmetterdi tóleýge Qordyń jetkizýshi medısınalyq uıymda­ryna jiberiletinin atap ótemiz.

«Qazirgi ýaqytta elimizde em­­ha­nalarǵa tirkelý naýqany jú­rip jatyr. Bekitý naýqanynyń qo­rytyndysy boıynsha medısı­nalyq uıymdar bólinisinde halyq­tyń bólinýin eskere otyryp, 2021 jylǵa qarjylandyrý josparlanatyn bolady. Qor bar­lyq qazaqstandyqtardy eskere otyryp, derekqordyń absolıýtti du­rys­tyǵyna múddeli. О́ıtkeni árbir tirkelgen turǵyn úshin aı saıyn medı­sınalyq uıymdarǵa jan basyna qar­jylandyrý tó­lenedi», dep eske saldy qor ókilderi.

Qańtar-tamyz aralyǵynda shy­ǵyndardyń basym bóligi sta­sıonarlyq medısınalyq kómek tólemi – 62 mlrd teńgeden astam jáne aýyldaǵy stasıonarlar qyzmeti úshin 14,6 mlrd teńgeni qurady. 8 aıda josparly túrde elimizdiń stasıonarlarynda 660 myńnan astam adam em qabyldady.

Konsýltasııalyq-dıagnostı­kalyq kómek kórsetkeni úshin medısınalyq uıymdarǵa 54 mlrd teńge tólendi. Aıta ketý kerek, KT jáne MRT qyzmetteri azamattar úshin burynǵysynsha ózekti bolyp qalýda. 8 aıda pasıentterge KT jáne MRT 400 myńnan astam qyzmet kórsetildi.

Qor halyqqa joǵary tehnolo­gııa­­lyq qyzmet kórsetkeni úshin 14 mlrd teń­geden astam qarjy tóledi. Mund­aı qyz­metterdi 4,5 myńnan astam adam al­dy. 13 mlrd teńge stasıonardy al­mas­­tyratyn kómekti tóleýge baǵyt­tal­dy.

Bıylǵy 8 aıda Áleýmettik medı­sınalyq saqtandyrý qo­ry halyqqa 2,8 mln-nan astam stoma­tologııalyq qyzmet kórset­keni úshin 5,1 mlrd teń­ge tóledi. Sonymen qatar 67 myńǵa jýyq qazaqstandyq jedel jaǵdaıdan (ınfarkt, ınsýlt jáne t.b.) jáne ope­rasııalyq aralasýdan keıingi me­dısınalyq ońaltý aldy.

Eske sala keteıik, ekinshi toq­san­­da karantın aıasynda josparly túr­de medısınalyq kómek kórsetýge shek­teý qoıyldy. 1 tamyzdan bastap elimizdiń klınıkalarynda josparly medısınalyq kómek qaıta bastaldy.Sondyqtan ta­myz-qyrkúıek aılarynda MÁMS paketinde halyqtyń medı­sınalyq qyzmetterdi tutynýynyń ósýi baıqalady.