Oblys ákimdiginde ótken keńeste koronavırýs ınfeksııasynyń ekinshi tolqynynyń aldyn alý, qazirgi sanıtarlyq ahýal talqylandy, dep habarlaıdy Egemen.kz
Oblys ákiminiń orynbasary Baqytgúl Hamenovanyń aıtýynsha, 196 mektep bar. Qazir 23 myń oqýshy mektepterdegi kezekshi synyptarda bilim alýda. О́ńirdegi bilim oshaqtarynyń sanıtarlyq ahýalyn zerdelegen monıtorıngtik toptar birqatar olqylyqtyń baryn anyqtapty. Máselen, mektepterde sanıtarlyq quraldardyń joqtyǵy, tirkeý jýrnaldary men medısınalyq maskalardyń bolmaýy indetten saqtaný sharalarynyń bosańsyǵanyn baıqatyp otyr.
"Ata-analar balalaryn mektepke bilim alý úshin jiberedi. Sol sebepten, mektepterde oqýshylardyń qaýipsizdigi basty nazarǵa alynýy kerek. Osy oraıda buǵan mektep dırektorlary men birinshi basshylyq jaýapkershilikpen qaraýy tıis. Bul – halyqtyń amanaty", dedi B.Hamenova.
Mektep basshylarynyń aqparatyna qaraǵanda, monıtorıngtik toptar anyqtaǵan kemshilikter joıylypty. Endi olar mundaı kemshilikterge jol berilmeıtinine sendirip otyr.
Oblys ákiminiń orynbasary Erjan Ábilhanovtyń pikirinshe, kásipkerlerdiń de qaýipsizdik sharalaryna beıjaı qaramaǵany jón. Buǵan monıtorıngtik top ókilderiniń reıdke tótenshe jaǵdaılar salasynyń mamandaryn qosý jónindegi usynysy sebep bolyp otyr. О́ıtkeni, kóptegen nysannyń ıeleri esik ashpaı, qıyndyq týdyratyny jasyryn emes.