Mınıstrdiń orynbasary ornynan turǵan da joq

Qazir Ońtústiktiń jıyndarynda oryssha sóıleseń, el birtúrli qarap qalady. Qazaǵy qalyń Ońtús­­­­tik­tiń ózbegi de, orysy da, basqasy da memlekettik tildi túsinetin bolǵandyqtan Shymkenttiń sheneýnik­­­teri jıyndarda máseleni tek «qazaqsha» sheshedi. Áıtse de, osy bir jaqsy dástúrdi Astana jaqtan keletin keıbir sheneýnikterdiń buzyp jiberetini bar.

Qaıbir kúni oblystyq ákim­dikte Aýyl sharýashylyǵy mınıstri Asyljan Mamyt­bekov pen Qarjy mınıstriniń oryn­­basary Rýslan Dalenov Ońtústiktegi sharýalardyń basyn qosyp, úlken jıyn ótkizdi. Másele – óte mańyzdy, jer salyǵyna baılanys­ty ózgertý engizilgen zańdardy elge túsindirý.

Qazir Ońtústiktiń jıyndarynda oryssha sóıleseń, el birtúrli qarap qalady. Qazaǵy qalyń Ońtús­­­­tik­tiń ózbegi de, orysy da, basqasy da memlekettik tildi túsinetin bolǵandyqtan Shymkenttiń sheneýnik­­­teri jıyndarda máseleni tek «qazaqsha» sheshedi. Áıtse de, osy bir jaqsy dástúrdi Astana jaqtan keletin keıbir sheneýnikterdiń buzyp jiberetini bar.

Qaıbir kúni oblystyq ákim­dikte Aýyl sharýashylyǵy mınıstri Asyljan Mamyt­bekov pen Qarjy mınıstriniń oryn­­basary Rýslan Dalenov Ońtústiktegi sharýalardyń basyn qosyp, úlken jıyn ótkizdi. Másele – óte mańyzdy, jer salyǵyna baılanys­ty ózgertý engizilgen zańdardy elge túsindirý. Qyzylorda, Jambyl jáne Ońtústik Qazaqstan oblysynan jınalǵan sharýalardyń túgelge jýyǵy aýyldyq jerlerden kelgen, túgelge jýyǵy memlekettik tildi túsinedi. Eń aldymen sóz alǵan Qarjy mı­­­nıs­triniń orynbasary Rýslan Dalenov baıandamasyn á degen­nen oryssha bastaı berip edi, el dý ete qaldy. Biraq eldiń: «Aınala­ı­yn, bárimiz aýyldan kelip otyrmyz, bárimizdiń osy zańdy jaqsylap túsingimiz keledi, qazaqsha sóıleseıshi», degeni dalada qaldy. Buryn-sońdy Astana jaqtan kelgen mundaı sheneýnikter elden keshirim ótinip, «múmkin bolsa, baıandamamdy resmı tilde jasasam» dep ruqsat suraıtyn sııaqty edi. Mınıstrdiń bul orynbasary ruqsat suramaq túgili sonshama eldiń aldynda ornynan turǵan da joq. Baıandamasyn minbege shyqpaı-aq, sol otyrǵan ornynda oqyp shyǵa saldy. Osydan-aq, Dalenovtiń bul jıyndy asyǵys, áıteýir, boldy-bitti qylyp, tezirek ótkizgisi kele salǵany baıqalyp qaldy. Sonda taýyq shaqyrǵan tańmen talasa turyp, myna jaǵy Syr elinen, myna jaǵy Jambyl oblysynan kelgen sharýalardyń Shymkentke kelgende estıin degenderi osy ma edi? Qudaı biledi, Dalenovtiń termınderi óte qıyn baıandamasynan sharýalar qajetti aqparat aldy, birnárseni uǵyndy dep aıta almaımyn.

Qaıta Asyljan Mamyt­bekov­tiń qazaqshasy men qazaqılyǵy eldi bir serpiltti. Mınıstrdiń minbege shyǵyp, elmen amandasyp, bastan-aıaq memlekettik tilde sóıleýi, ár nárseni jiti túsindirip, tipti qıyn termınderdiń qazaqsha aýdarmasyn, balamasyn aıtyp otyrýy eldi uıytyp tastaǵany anyq. Árıne, memlekettik tildi bilmeıdi dep mınıstrdiń orynbasaryn bas salyp jazǵyrýǵa da bolmaıtyn shyǵar. Biraq, «Ulyq bolsań, kishik bol» de­gen, eldi syılaǵannan, halyq­tyń aldynda kishipeıil, sypaıy bolǵannan eshkim qyz­metinen aıyrylyp qalmas. Mem­lekettik qyzmetkerdiń basty qaǵı­dala­rynyń biri de osy emes pe? Qazaǵy qalyń Ońtústikke Astananyń osyndaı sheneýnikteri bir sát oılanyp kelgeni durys qoı.

Oralhan DÁÝIT,

«Egemen Qazaqstan».

Ońtústik Qazaqstan oblysy.