Joǵary baǵa aldy

«Qazaqstan» RTRK» AQ-yna qarasty «Classic» radıosynyń «Klassıkomanııa» atty radıobaǵdarlamasy Londondaǵy halyqaralyq teleradıo habar taratýshylar assosıasııasynyń joǵary baǵasyna ıe boldy.

«Qazaqstan» RTRK» AQ-yna qarasty «Classic» radıosynyń «Klassıkomanııa» atty radıobaǵdarlamasy Londondaǵy halyqaralyq teleradıo habar taratýshylar assosıasııasynyń joǵary baǵasyna ıe boldy.

Halyqaralyq teleradıo­tara­týshylar assosıasııasynyń «AIBs Inspiring Creativity Awards» baıqaýy 9 jyl boıy ótkizilip keledi. Jyl saıyn bul marapat halyqaralyq teleradıokompanııalardyń baǵ­darlamalary men tehnologııasyn jáne daryndy mamandar arasynan úzdikterdi anyqtaıdy. Qazylar alqasynyń quramy – álemdik BAQ-tyń bilikti mamandary. Olar jobalardy táýelsiz túrde baǵalap, saraptaıdy.

Bıyl baıqaýǵa BBC, CNN, NHK, Bloomberg Television, Deutche Welle, Eurosport, Russia Today, ABC Australia, Radio Taiwan International, France 24, SRF Swiss Radio and TV jáne t.b halyqaralyq medıa-korporasııalardyń baǵ­darlamalary qatysty. Jobalar «Úzdik derekti fılm», «Úzdik jýrnalıstik tekserý», «Úzdik ba­lalar telehabary», «О́zekti máse­leler týraly úzdik reportaj», «Úz­dik halyqaralyq reportaj», «Te­levızııa jáne radıodaǵy jyl tulǵasy» jáne t.b. atalymdar boıyn­sha saralandy.

«Qazaqstan» RTRK» AQ «Classic» radıosynyń «Klassıkomanııa» baǵdarlamasy «Úzdik shyǵarma­shylyq radıobaǵdarlama» atalymy boıynsha arnaıy dıplommen marapattaldy. Bul radıojobada túrli mamandyq ıeleri – iskerler, saıahatshylar, zańgerler men rejısserler klassıkalyq mýzykanyń mán-mańyzy týraly syr shertedi. Halyqaralyq sarapshylar qaýym­dastyǵy «Klassıkomanııany» oıyn-saýyqtyq qana emes, sonymen qatar, bilim beretin erekshe baǵdarlama retinde atap ótti.

«Qazaqstan» RTRK» AQ Bas­qarma tóraǵasy Nurjan Muha­medjanova:

– Bizdiń korporasııa halyq­aralyq yntymaqtastyqty damytý jáne álemdik aqparattyq keńistikpen yqpaldastyq máse­lelerine aıryqsha nazar aýdaryp keledi. Búgingi tańda biz birqatar strategııalyq kelisimder jasap, «Arırang» (Ońtústik Koreıa) teleradıokorporasııasy, «CCTV» Qytaı habar taratý korporasııasy, «BBC World News», Prodıýserler men rejısserlerdiń Koreı bilim berý ınstıtýty, Sıngapýrdyń Medıa akademııasy syndy álemdik iri medıa-korporasııalarymen ózara yntymaqtastyq kelisim shartqa qol qoıdyq. Sonymen qatar, osy jyly halyqaralyq teleradıotaratýshylar assosıasııasy (AIB) men habar taratýdy damytýdyń Azııa-Tynyqmuhıttyq ınstıtýtynyń (AIBD) múshesi atandyq. Londondaǵy halyqaralyq baıqaýda arnaıy dıplom alýymyz korporasııa jetistikteriniń halyqaralyq deńgeıde joǵary baǵaǵa ıe bolǵandyǵyn kórsetedi, – dep atap ótti.

Shtab-páteri Ulybrıtanııada ornalasqan halyqaralyq telera­dıo­taratýshylar assosıasııasy (AIB) 1993 jyldan bastap kom­mersııalyq emes uıym retinde qurylǵan. Bedeldi halyqaralyq uıym BBC World, Al-Jazeera, Bloomberg, Eurosport, France 24, Russia Today, Deutsche Welle syndy 50-den asa iri halyqaralyq jáne ulttyq teleradıotaratýshylar­dy jáne basqa da belgili jáne be­del­­­di halyqaralyq BAQ-tardy biriktiredi.

Tanakóz Tolqynqyzy,

«Qazaqstan» AQ» respýblıkalyq teleradıo kesheniniń baspasóz hatshysy.