Abaı atyndaǵy Qazaq memlekettik akademııalyq opera jáne balet teatrynda Qazaq memlekettik qyzdar pedagogıkalyq ýnıversıtetiniń 1 kýrs stýdentterin «О́tkenniń ónegesi – búginginiń baılyǵy» atty stýdentter qataryna qabyldaý rásimine arnalǵan saltanatty jıynda qasıetti qara shańyraqtyń 70 jyldyq mereıtoıynyń alaýy resmı túrde jaǵyldy.
Abaı atyndaǵy Qazaq memlekettik akademııalyq opera jáne balet teatrynda Qazaq memlekettik qyzdar pedagogıkalyq ýnıversıtetiniń 1 kýrs stýdentterin «О́tkenniń ónegesi – búginginiń baılyǵy» atty stýdentter qataryna qabyldaý rásimine arnalǵan saltanatty jıynda qasıetti qara shańyraqtyń 70 jyldyq mereıtoıynyń alaýy resmı túrde jaǵyldy.
Saltanatty sharaý nıversıtet alaýyn alyp júgirgen estafetalyq marafonnyń qyzyqty sátteri sýrettelgen beıne baıan qoıylymyn tamashalaýmen bastaldy. Atalmysh mereıtoılyq alaý ótken aıdyń 23 juldyzynda oqý ordasynyń ardager ustazdary men basshylyǵy, sondaı-aq, el namysyn aıtýly halyqaralyq jarystarda abyroımen qorǵaǵan Ermahan Ybyraıym, Maııa Maneza sekildi Olımpıada chempıondarynyń qolynan ótip, Qyzdar ýnıversıteti qalashyǵyn tolyq sharlap, bas oqý ǵımaratyna jetkizilgen bolatyn. Osy kúnge deıin qara shańyraqtyń qabyrǵasynda saqtalyp kelgen mereıtoılyq alaý – Qyzdar ýnıversıteti 70 jyldyq mereıtoıynyń tusaýkeserlik sımvoly retinde erekshe mártebege ıe bolǵan edi.
Fılmniń saltanatty qoıylymynan soń Qyzdar ýnıversıtetiniń rektory Dınar Nóketaeva bas ǵımaratta saqtalǵan alaýdyń tamyzyǵymen sahna tórindegi ásem gúldermen kómkerilgen úlken oshaqtyń otyn tutatty. Bul áıel janynyń, qyz-ǵumyrdyń tabıǵatynan habar beretin ózindik mazmuny kemel jarasym men urpaq jalǵastyǵy ispetti joǵary oqý ǵımaratynyń tabaldyryǵyn jańa attaǵan stýdentterdiń boıyna erekshe jalynymen áser etti.
Jıylǵan kópshilik aldynda sóz bastaǵan Dınar Nóketaeva: «Qyzdar ýnıversıteti – qarakóz qyzdarǵa bilim men dástúrli tárbıeni qatar berip otyrǵan parasat mektebi. Osy merzim ishinde kıeli oqý orny 50 myńnan astam mamandar daıyndap, mektep muǵaliminen bastap qoǵam qaıratkerine deıin tanymal túlekterin tárbıelep shyǵardy. Bul bilim uıasynan ushqan árbir túlek qoǵamda óz ornyn taba biletin bilikti de kásibı maman dep zor senimmen aıta alamyn», – dep sapqa jańa qosylǵan shákirtterdi «Men – Qyzdar ýnıversıtetiniń stýdentimin!» degen atqa laıyq bolýǵa shaqyrdy.
Qııaldaryn qanattaryna baılap, armandaryn arqalap kelgen birinshi kýrs stýdentterine ıgi tilegin bildirgen oqý ornynyń basshysy bilim kiltin I kýrs stýdenti Aqsáýle Amantaevaǵa tabys etti. Al, stýdenttik bılet Dosbol Aıdaǵa tabystalsa, synaq kitapshasy Kóken Lázzatqa tapsyryldy. Kesh barysynda sonymen qatar, 1 kýrs stýdentteriniń ant qabyldaý rásimi bolyp ótti.
Saltanatty jıyn sońy konserttik baǵdarlamaǵa ulasyp, qazirgi tańda óz ónerlerimen tanymal bolyp kele jatqan «Aıgúl», «Ular» ansamblderi, «Tomırıs» bı ansambli, 85 ánshiden quralǵan ýnıversıtettiń hor ujymy men 50 ónerpazdan turatyn ult-aspaptar orkestriniń shyǵarmalarymen órilip, qazaq estradasy juldyzdarynyń qatysýymen óner keshine ulasty.
Qanat ESKENDIR,
«Egemen Qazaqstan».
ALMATY.