"Qazgıdromet" RMK 19 qazanǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń habarlaýynsha, Qazaqstannyń basym bóliginde antısıklonnyń áserinen jaýyn-shashynsyz aýa raıy kútiledi, tek shyǵysta atmosferalyq aǵyndardyń ótýine baılanysty túnde qar aralas jańbyr jaýýy múmkin.
Kúndiz batysta, soltústik-batysta sıklon áserinen jańbyr jaýady. Elimizdiń keı jerlerinde tuman túsýi múmkin. Shyǵysta túnde kóktaıǵaq bolýy yqtımal. Soltústik Qazaqstan oblysynda kúndiz jel 15-20, ekpini 23 m/s kúsheıedi.
Túnde Shyǵys Qazaqstan, tańerteń jáne kúndiz Aqmola, kúndiz Jambyl, Qostanaı, Pavlodar oblystarynyń keı jerlerinde jel 15-20 m/s kúsheıedi. Aqmola, Atyraý, túnde jáne tańerteń Qostanaı oblystarynyń keı jerlerde tuman túsýi múmkin. Almaty, Jambyl oblystarynyń túnde keı jerlerde mınýs 1 gradýs sýyq bolady.