Qostanaı oblystyń ekonomıkalyq tergeý departamenti men «Qyran» arnaıy bólimshesiniń qyzmetkerleri oblys ortalyǵynda astyrtyn jumys istep kelgen eki birdeı kazınony áshkerelep otyr. Ustalǵandar qalanyń eki aýdanynan ǵımarat jaldap, túrli qumar oıyndaryn uıymdastyryp kelgen. Jasyryn kazınolar ár oıynǵa kem degende 10 myń teńgeden artyq aqshasy bar úsh oıynshydan ǵana jiberip, oıyn sharty týraly aýyzsha kelisim jasasyp otyrǵan, dep habarlaıdy Egemen.kz.
Ekonomıkalyq tergeý qyzmetiniń málimetinshe, kazıno ornalasqan ǵımarattardy tekserý barysynda 1 poker ústeli, qumar oıynnyń ózge de túrlerine arnalǵan 6 ústel, 15 oıyn kartasy, fıshka toly keıs, beınejazba túsirip otyratyn resıver, "Samsung" markaly elektrondy planshet jáne aqsha tabylǵan. Zańsyz oıynhanada tabylǵan zattar aıǵaq retinde tárkilenip alyndy.
Qostanaı oblysy