Úkimettiń keńeıtilgen otyrysynda berilgen Prezıdent tapsyrmalarynyń oryndalý barysyn talqylaý keshe Ortalyq kommýnıkasııalar qyzmetinde óz jalǵasyn tapty. Brıfıngke О́ńirlik damý mınıstri Bolat Jámishev jáne onyń orynbasarlary Qaıyrbek О́skenbaev, Serik Nokın jáne Serik Jumanǵarın qatysty.
Úkimettiń keńeıtilgen otyrysynda berilgen Prezıdent tapsyrmalarynyń oryndalý barysyn talqylaý keshe Ortalyq kommýnıkasııalar qyzmetinde óz jalǵasyn tapty. Brıfıngke О́ńirlik damý mınıstri Bolat Jámishev jáne onyń orynbasarlary Qaıyrbek О́skenbaev, Serik Nokın jáne Serik Jumanǵarın qatysty.
Elbasy keńeıtilgen otyrysta óńirlik damýǵa basa nazar aýdaryp, saladaǵy sheshilmeı jatqan keıbir máselelerge qatystysyn-eskertpeler aıtqan bolatyn. Osyǵan oraı О́ńirlik damý mınıstrligi búginde qandaı is-sharalar atqaryp jatyr? Berilgen tapsyrmalar qalaı oryndalýda? Qandaı naqty jumystar qolǵa alyndy? Baspasóz máslıhatynda osy máseleler talqylandy.
B.Jámishev óz sózinde Memleket basshysynyń tapsyrmalaryn oryndaý jónindegi is-sharalardyń josparyna sáıkes О́ńirlik damý mınıstrligine 12 tapsyrma mindettelgenin atap ótti. Sonyń eń mańyzdylarynyń biri – jobalaý uıymdarynyń jumystaryna taldaý júrgizý. Osyǵan oraı keńeıtilgen otyrystan keıin mınıstrlik jobalaý uıymdarynyń jumystaryna arnaıy taldaý júrgizipti. Atap aıtqanda, aǵymdaǵy jyldyń 9 aıynda 567 jobalaý uıymy tekserilgen. Tekserýlerdiń qorytyndysy boıynsha 5 uıym lısenzııasynan aıyrylsa, 112 uıymnyń lısenzııalary ýaqytsha toqtatylyp, qazir tekserý amaldary júrgizilýde. Sondaı-aq, bir mekeme boıynsha materıaldar sotqa berilgen. Oǵan qosa, 282 jobalaýshy mekemege qatysty ákimshilik sharalar qabyldanyp, 17 mln. teńge somasynda aıyppul salynǵan.
«Jobalaý kompanııalary men affılırlengen tulǵalarǵa qatysty tekserýdi О́ńirlik damý mınıstrligi men «Memlekettik saraptaý» respýblıkalyq memlekettik kásiporny júrgizip jatyr», dedi B.Jámishev. Sondaı-aq, ol qurylys jumystarynyń quny 47,7 mlrd. teńgege ulǵaıǵan 55 jobaǵa taldaý júrgizilgenin aıtyp ótti. Nátıjesinde jobalaýlardyń qymbattaýyna tapsyrys berýshiniń joba sheshimderine ózgertýler engizýi, qurylystyń bastalý merziminiń aýystyrylýy jáne qarjylandyrýdyń óz ýaqytynda júrgizilmeýi, ınjenerlik jelilerge qosý sharttarynyń ózgerýi, materıaldar men jabdyqtardyń qymbattaýy, ınflıasııalyq úderisterdiń týyndaýy sııaqty faktiler sebep bolyp otyrǵany anyqtalǵan. «Bul jobalardyń shıkiligin kórsetýde. Osyǵan baılanysty ózgerister engiziledi jáne qurylystaǵy tıptik jobalar máselesine de nazar aýdaratyn bolamyz. Bul joba qunynyń ósýin shekteıdi», dedi mınıstr. Ol sondaı-aq, aldaǵy kezeńde mınıstrlik qurylystyń jobalyq qunynyń artý sebepterin tirkeýmen ǵana shektelmeı, aldyn ala qarastyrylǵan naqty jumystardyń júrgiziletindigin de tilge tıek etti. Mınıstrdiń atap ótýinshe, endigi ýaqytta tapsyrys berýshiniń jobalyq sheshimge ózgertý engizýine tosqaýyl qoıylatyn bolady. «Bul ákimshilik shara bolady. Degenmen, oǵan ekonomıkalyq bazany negizdeý úshin biz jobalardy tıptik jobalar arqyly salýdy talap etemiz. Biz bul jumystardy endi ǵana bastadyq. Sondyqtan, 2014 jyly biz barlyǵyn birdeı jaba almaımyz. Eger joba bıýdjetke engizilse, onda biz olardyń qunyn qaraıtyn bolamyz», dedi mınıstr.
Baspasóz máslıhatynda О́ńirlik damý mınıstrligi basshylaryna jýrnalıster tarapynan «Qoljetimdi baspana», «Bıznestiń jol kartasy» baǵdarlamalarynyń óńirlerdegi júzege asyrylý barysy, shaǵyn qalalardyń ahýaly, jer telimderin bólýge qatysty da kókeıkesti suraqtar qoıyldy. Mınıstrlik basshylary saýaldarǵa jaýap bere otyryp, óńirlik damýdyń aldaǵy ýaqytta ilgerileı túsetinine sendirdi. Eń bastysy Prezıdent tapsyrmalarynyń oryndalatyndyǵyn jetkizdi.
Dınara BITIKOVA,
«Egemen Qazaqstan».