Qaýyrt qyzmet qarymy

Memleket basshysy el aza­mat­tarynyń qaýipsizdigi úshin qyzmet etetin Tótenshe jaǵdaılar mınıstrliginiń jaraqtalýyna erekshe kóńil bóledi. Jyl saıyn qyzmetterdiń tehnıkalyq jab­­­­dyqtalý deńgeıi, qyzmet­kerlerdiń kásibıligi ósýde, is-áreketterdiń jedeldigi men úılesimdiligi artýda. Azamattyq qorǵanys jáne tótenshe jaǵdaı­lardan qorǵaý salasynda oqytý úshin qazirgi zamanǵy tehnologııa qoldanylady. Halyqty aqparattandyrý jáne habardar etý ádisteri jetildirilýde.

Memleket basshysy el aza­mat­tarynyń qaýipsizdigi úshin qyzmet etetin Tótenshe jaǵdaılar mınıstrliginiń jaraqtalýyna erekshe kóńil bóledi. Jyl saıyn qyzmetterdiń tehnıkalyq jab­­­­dyqtalý deńgeıi, qyzmet­kerlerdiń kásibıligi ósýde, is-áreketterdiń jedeldigi men úılesimdiligi artýda. Azamattyq qorǵanys jáne tótenshe jaǵdaı­lardan qorǵaý salasynda oqytý úshin qazirgi zamanǵy tehnologııa qoldanylady. Halyqty aqparattandyrý jáne habardar etý ádisteri jetildirilýde.

О́tken jyldyń osy merzimimen salystyrǵanda 2013 jylǵy 10 aıdyń qorytyndysy boıynsha tótenshe jaǵ­­­­daılardyń sanyn 17,3 paıyzǵa, osy tótenshe jaǵ­daı­lardan adamdardyń qaza bolýyn 12 paıyzǵa, adam­dardyń zar­dap shegýin 15 paıyzǵa azaıtýǵa qol jetkizildi.

Shuǵyl den qoıý qyzmetteriniń úılesimdi jáne jedel is-áreketteri oqý-jattyǵýlar barysynda turaqty túrde pysyqtalady. Tótenshe jaǵdaılar jónindegi vedomstvoaralyq memlekettik komıssııa otyrystary ótkiziledi, oblystar, Astana jáne Alma­ty qalalary ákimdikteri basshy­lyǵymen jergilikti Tótenshe jaǵdaılar jónindegi komıssııalar jumys isteıdi.

Memleket basshysy men Úki­mettiń tapsyrmasy boıynsha mınıstrlik shetelderde oryn alǵan iri aýqymdy dúleı zilzalalardan zardap shekkenderge gýmanıtarlyq jaǵynan járdemdesýde. Aýǵanstan Islam Respýblıkasyna, Gvate­malla Respýblıkasyna, Lıvan Respýblıkasyna, Shrı-Lanka Respýblıkasyna jalpy somasy 978 myń AQSh dollarynyń gýmanıtarlyq kómegi kórsetildi.

Tótenshe jaǵdaıdyń bar­lyq júıesi úshin asa mańyzdy oqıǵalardyń biri, bul – «Aza­mattyq qorǵaý týraly» shoǵyr­landyrylǵan Zań jobasynyń birinshi oqylymda maquldanýy.

Atalmysh zań jobasynda tótenshe jaǵdaılardyń aldyn alý máselesi birinshi orynda tur. Onda úlken ekonomıkalyq shyǵyny bar tabıǵı kútpegen qubylystardyń ósýi, eldiń aıtarlyqtaı aýmaǵy­nyń seısmıkalyq qaýipti aımaqta ornalasýy, Qazaqstannyń óner­kásiptik áleýetiniń, onyń ishinde qaýipti tehnologııa­lary bar óndirister esebinen ósýi qamtyldy. Sondaı-aq, zań jobasy tótenshe jaǵdaılardyń aldyn alý jáne olardy joıý, azamattyq qorǵanys, ónerkásiptik jáne órt qaýipsizdigi, memlekettik materıaldyq rezervter, apattar medısınasy salasynda memlekettik saıasatty iske asyrýdyń quqyqtyq tetikterin retke keltiredi.

Zań jobasynyń negizgi maqsaty Qazaqstanda azamattyq qorǵaýdy basqarýdyń biryńǵaı júıesin qurý bolyp tabylady.

Memleket basshysynyń tap­syr­masy boıynsha tabıǵı zilzalalardan saqtandyrý júıesin­de jańa tásilder ázirlenip jatyr.

Sondaı-aq, bızneske ákimshilik qysym kórsetýshilikti aıtarlyqtaı azaıtý, ruqsat berý qujattarynyń sanyn, josparly jáne jospardan tys tekserýlerdi azaıtý, baǵdarlamalyq ónimderdi engizý arqyly halyqqa qyzmet kórsetý boıynsha jumys jalǵasýda.

Qazirgi ýaqytta TJM beretin 199 ruqsat berý qujattary 168-ge azaıdy, 5 rásim habardar etý sıpatyna kóshirildi. Úkimettiń tapsyrmasyna sáıkes TJM-niń 6 memlekettik qyzmeti (órt jáne ónerkásiptik qaýipsizdik salasynda) Halyqqa qyzmet kórsetý ortalyǵy arqyly kórsetiledi.

Sonymen qatar, órt jáne óner­kásiptik qaýipsizdik salasy boıynsha tekseris sanyn azaı­týǵa múmkindik beretin qaýip-qaterlerdi basqarý júıesi engi­zilýde. Sonyń nátıjesinde órt qaýipsizdigi salasynda júrgizilgen tekserýlerdiń sany ótken jyldyń uqsas kezeńimen salystyrǵanda 48 paıyzǵa, ónerkásiptik qaýipsizdik salasynda 2 ese azaıdy.

Memleket basshysy men Úki­met­tiń halyq qonystanǵan aýmaqtardaǵy órt qaýipsizdigin qamtamasyz etý máselelerin turaqty nazarda ustap, olardyń keshendi sheshimine kórsetken qoldaýlary arqasynda órt sóndirý depolary salynýda. Osy jylǵy qazanda Almaty jáne Taraz qalalarynda úlgi joba boıynsha salynǵan, árbireýiniń quny 900 mıllıonnan astam teńge turatyn 6 órt sóndirý deposy paıdalanýǵa berildi.

Múddeli memlekettik organ­dar­men birge «Qazaqstan Res­pýblıkasynyń halqy men memle­kettik organdaryn habardar etý júıesin jańartý» jobasy ázirlendi.

Osy jyly «Ksell» AQ, «Kar-Tel» JShS, «Mobaıl Telekom Servıs» JShS, «Altel» AQ sekildi uıaly baılanystyń jetekshi operatorlarymen halyqty SMS-habarlama arqyly týyndaǵan tótenshe jaǵdaılar týraly habardar etý jónindegi biryńǵaı kelisimge qol qoıyldy. Eldiń barlyq aýmaǵynda «112» biryńǵaı qutqarý telefon nómiri engizildi.

Elbasy óziniń Qazaqstan hal­qyna Joldaýynda kúshti áleýmettik saıasat qana qoǵamdyq turaqtylyq pen kelisimdi qamtamasyz ete­tinin atap ótti. Mınıstrliktiń tótenshe jaǵdaılardaǵy shuǵyl medısınalyq qyzmet júıesinde júrgizgen túbegeıli ózgertýleri kózge kóriner áleýmettik serpin berdi. El aýmaǵynda «densaýlyq poıyz­dary» óz jumysyn jalǵas­tyrýda. Adamdar týǵan aýyldarynan shyqpaı-aq joǵary bilikti mamandardyń (onyń ishinde telemedısına múmkindikterin paıdalaný arqyly) birinshi synyptyq medısınalyq kómegin alýda. Dárigerlerdi halyq qurmettep, olarǵa senim artýda. 2013 jylǵy 10 aıda úsh medısınalyq poıyz barlyq oblystardyń 276 shalǵaı jatqan beketterinde turatyn 62754 turǵyndy tekserýden ótkizdi. 275766 dıagnostıkalyq emshara júrgizildi, 653 shaǵyn ambýlatorııalyq ota jasaldy.

Búgingi kúni respýblıkanyń 5 oblysynda respýb­lıkalyq avto­­joldardyń asa qaýipti 12 teliminde Kúre joldyq medısı­nalyq-qutqarý pýnktteri tabysty qyzmet kórsetýde. Olar jol-kólik oqıǵalary bolǵan kezde zardap shekken adamdarǵa «qaýyrt ýaqyt» ishinde kómekke keledi. Jyl basynan bastap olar 576 ret jolǵa shyqty, 1661 zardap shekken adamǵa, onyń ishinde 91 balaǵa medısınalyq kómek kórsetti, onyń 554-i gospıtalǵa jatqyzyldy.

Aǵymdaǵy jyly Aqtóbe, Al­maty, Shyǵys Qazaqstan, Jambyl, Batys Qazaqstan, Qaraǵandy, Pavlodar, Qyzylorda jáne Atyraý oblystarynda taǵy osyndaı 14 pýnkt salynady.

Qazaqstan Respýblıkasy Den­saýlyq saqtaý salasyn damytý­dyń 2011-2015 jyldarǵa arnal­ǵan «Salamatty Qazaqstan» memlekettik baǵdarlamasyn iske asyrý sheńberinde tikushaqtarǵa tehnıkalyq qyzmet kórsetýge arnalǵan jerústi jabdyqtary bar on ES-145 tikushaǵy men eki Ka-32A11VS tikushaǵy satyp alyndy. Aǵymdaǵy jyldyń sońyna deıin taǵy tórt ES-145 tikushaǵy satyp alynady.

О́tken kezeńde QR TJM sanı­tarlyq avıasııasy 218 ret kókke kóterilip, jetýi qıyn jáne shalǵaı jatqan jerlerde zilzalaǵa tap bolǵan 403 adamdy qutqardy.

Memleket basshysynyń «Qa­zaqstan-2050» Stra­tegııasy» atty Qazaqstan halqyna Joldaýyn iske asyrý aıasyndaǵy TJM-niń jumys nátıjeleri osyndaı.

Janbolat SMAILOV,

Tótenshe jaǵdaılar vıse-mınıstri.