Partııalyq tizimder boıynsha saılanatyn Qazaqstan Respýblıkasy Parlamenti Májilisi depýtattarynyń kezekti saılaýy 2021 jylǵy 10 qańtarda ótedi. Bul týraly Prezıdent Qasym-Jomart Toqaevtyń Májilis jáne máslıhat depýtattarynyń saılaýy týraly úndeýinde aıtylǵan, dep habarlaıdy Egemen.kz.
"Aldaǵy saılaý konstıtýsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady. Jańa saılaý naýqanyna deıin saıası jańǵyrý, kóppartııalyqty damytý jáne elimizdiń qoǵamdyq-saıası ómirine azamattardyń qatysý aıasyn keńeıtý jóninde sharalar qabyldandy", delingen Prezıdent úndeýinde.
Eske sala keteıik, búgin Memleket basshysynyń Májilis jáne máslıhat depýtattarynyń saılaýy týraly úndeýi jarııalandy.