Oblystyq bilim sapasyn baqylaý departamentiniń málimetinshe, bıylǵy jyl basynan beri departamentke kámeletke tolmaǵandardyń quqyǵyn qorǵaý salasynda qosymsha quzirettilik berilgen, - dep habarlaıdy Egemen.kz
Qazir departament memlekettik organdarmen jáne ózge de uıymdarmen birlese jumys jasaýda.
Balalar quqyǵyn qamtamasyz etý barysynda bilim alýyna, tamaqpen qamtylýyna, mektepke tasymaldaý jáne demalysyna, bilim berý uıymdarynda saýyqtyrylýyna, densaýlyǵyna monıtorıng júrgiziledi.
Sonymen birge, arnaıy uıymdardaǵy ata-anasynyń qamqorlyǵynsyz qalǵan balalardyń da quqyǵyn qorǵaý jumystary bar.
Sondaı-aq, qazir óńirde balasynyń oqýǵa kelýin qamtamasyz etpegen ata-anaǵa qatysty ákimshilik is qozǵalýda.
Basqarma basshynyń orynbasary Gúlnár Úzdembaevanyń aıtýynsha, qańtar aıynan bastap departamentke kámeletke tolmaǵandardyń quqyǵyn qorǵaý boıynsha 4 ótinish kelip túsken.
Mysaly, kolledj stýdentiniń ata-anasyna qatysty balasynyń oqý ornyna kelýin qamtamasyz etý boıynsha mindetterdi oryndamaǵany úshin ákimshilik is qozǵaldy. Ata-anaǵa eskertý berildi.
"Bıyl departamentke balalar quqyǵyn qorǵaýǵa qatysty 150-den astam qońyraý tústi. Ata-analar da, pedagogtar da qońyraý shalady. Qazir kámeletke tolmaǵandar jasaıtyn qylmystar sany ósip, 29-dan 35-ke jetti. Onyń ishinde tonaý, urlyq sany aıtarlyqtaı ósken. Buǵan zańdy bilmeý, qamtamasyz etilmeý, ata-analar baqylaýynyń bolmaýy áser etýde. Jalpy 403 ata-ana balalar tárbıesinde mindetterdi oryndamaýǵa qatysty ákimshilik jaýapkershilikke tartyldy", - dedi Gúlnár Úzdembaeva.
Al, bıyl óńirde kámeletke tolmaǵandardyń túngi ýaqytta kóńil kóterý oryndarynda nemese turǵyn emes oryndarda bolǵany úshin 2220 ata-ana jazalandy. Sot sheshimimen 200 ata-ananyń balany tárbıeleýde mindetinen jaltarǵany úshin ata-ana quqyǵy shektelgen.
Pavlodar oblysy