26 qazannan bastap qaı elderge áýe reısteri qysqarady? Bul týraly Ortalyq kommýnıkasııalar qyzmetindegi baspasóz máslıhatynda Densaýlyq saqtaý vıse-mınıstri Ajar Ǵınııat aıtyp ótti, dep habarlaıdy Egemen.kz
"Sondaı-aq álemdegi epıdemııalyq ahýaldyń nasharlaýyna baılanysty vedomstvoaralyq komıssııa shekaradaǵy baqylaýdy qosymsha kúsheıtý týraly usynysty maquldady. 26 qazannan bastap myna elderge áýe reısteriniń sany qysqartylady: Ýkraına, BAÁ, Germanııa, Belarýs, Túrkııa. Qazaqstan Respýblıkasyna keletin azamattardyń mindetti túrde tapsyrylǵanyna 72 saǵattan aspaǵan PTR-test anyqtamasy bolýy qajet. Eger anyqtamasy bolmasa, qazaqstandyqtar eki táýlikke karantındik stasıonarǵa jatqyzylady. Sheteldik azamattar eline qaıtadan departasııalanady", dedi Ajar Ǵınııat.
Vıse-mınıstrdiń málimetinshe, óńirlerdegi epıdemııalyq jaǵdaıdy eskere otyryp, 12 óńirdiń – Nur-Sultan, Almaty qalalarynyń , SQO, BQO, Aqmola, Mańǵystaý, Almaty, Pavlodar, Qostanaı, ShQO, Qaraǵandy, Jambyl oblystarynyń ákimdikteri karantın sharalaryn kúsheıtý týraly sheshim qabyldady.
"PTR-test tapsyrǵandar qatarynyń kóbeıýine baılanysty COVID-19-ǵa shaldyqqandar sany artýda. Qazirgi ýaqytta zerthanalar táýligine 55 myńǵa jýyq test jasaı alady. Elimizde 13 355 ınfeksııalyq tósek-oryn bar. Onyń 16 paıyzynda búginde naýqastar jatyr – 2 myńnan astam. Sondaı-aq 6 841 karantındik tósek-oryn daıyndap qoıdyq. Onyń 8 paıyzynda ǵana pasıentter bar, 600-ge jýyq adam. Qosymsha 3 335 kerýet jańa ınfeksııalyq aýrýhanalarda iske qosylady", deıdi Ajar Ǵınııat.