Eńbekshiqazaq aýdanynda zańsyz balyq aýlaýmen aınalysqan kúdikti ustaldy, – dep habarlaıdy Egemen.kz Polisia.kz. saıtyna silteme jasap.
Eńbekshiqazaq aýdanynda “Brakoner” respýblıkalyq jedel-aldyn alý is-sharasyn ótkizý barysynda tabıǵatty qorǵaý polısııasy ınspektory Qapshaǵaı balyq ınspeksııasynyń qyzmetkerlerimen birge Sarybulaq aýylynyń 38 jastaǵy turǵynyn ustady.
Ol jyl boıy usaq tor kózdi aýdyń kómegimen balyq aýlaýǵa tyıym salynǵan Ile – Qapshaǵaı sý qoımasynda zańsyz balyq aýlaýmen aınalysqan.
Tártip saqshylary kúdiktiden 100 kg jylanbas balyq, sazan, aq amýr, dóńmańdaı jáne kókserke sııaqty balyqtardy tárkiledi.
Atalǵan derek balyq resýrstaryn zańsyz óndirgeni úshin jaýapkershilikti kózdeıtin QR QK-niń 335-babynyń 1-bóligi boıynsha tirkeldi.
Alynǵan balyq memlekettik qabyldaý pýnktine tapsyryldy.