Koreıa Qazaqstanǵa 38 800 PTR-test tabystady, dep habarlaıdy Egemen.kz
Koreıa Respýblıkasynyń Qazaqstandaǵy elshiligi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń "Ulttyq saraptama ortalyǵy" sharýashylyq júrgizý quqyǵyndaǵy respýblıkalyq memlekettik kásipornyna COVID-19 pandemııasymen kúres úshin gýmanıtarlyq kómek tabystady.
Qazaqstanǵa Koreıadan shyǵarylǵan 38 800 PTR-test jıyntyǵyn gýmanıtarlyq kómek retinde jetkizildi. Olar Ulttyq saraptama ortalyǵynyń Nur-Sultan, Almaty qalasy, Túrkistan, Jambyl, Almaty, Shyǵys Qazaqstan oblysyndaǵy fılıaldaryna taratylady.
"Qazaqstan úkimetiniń ýaqytyly qabyldaǵan sharalarynyń arqasynda COVID-19 pandemııasynyń birinshi tolqynyn eńserdi. Qazir birqatar elde vırýs jappaı tarap jatqanda Qazaqstan pandemııanyń ekinshi tolqynyna daıyndalyp jatyr. Men Koreıa Respýblıkasynyń gýmanıtarlyq kómegi Qazaqstannyń pandemııanyń ekinshi tolqynymen kúresine úles qosady degen úmittemin", dedi Koreıa elshisi Ký Hong-sok.
Dıplomat Koreıa úkimeti qarttar úıi, balalar úıi, mektep jáne basqa da mekemelerge qaıyrymdylyq retinde qorǵanys quraldaryn únemi jetkizip otyrǵannan bólek, Úkimet deńgeıinde vırýspen kúres úshin onlaın keńes ótkizilip jatqanyn atap ótti.
Bul – gýmanıtarlyq kómektiń birinshi partııasy. Qosymsha taǵy FFP2 standartyna saı qorǵanysh maskalary (75 000 dollar), sondaı-aq DDU jahandyq jetkizý kanaly (WHO Global supply chain) arqyly alynǵan, quny 300 000 dollar medısınalyq jabdyqtar jetkiziledi.
"Koreıa Respýblıkasymen túrli baǵyt boıynsha, onyń ishinde densaýlyq salasynda dostyq, áriptestik qatynasymyz baılanystyrady. Mundaı qıyn kezde Koreıa eliniń kómegin erekshe baǵalaımyz jáne Ońtústik Koreıa bıligine alǵys aıtamyz", dedi densaýlyq saqtaý vıse-mınıstri Marat Shoranov.