Birinshi kezeńde qarastyrylǵan jobalarǵa 30 ga ónerkásiptik jylyjaı keshenin salatyn 8 ınvestor anyqtaldy. Olarǵa 12 jylǵa jer jalǵa berildi. Qazirgi tańda ınvestorlarmen kelisim shartqa turyp, jerdi tegistep daıyndaý jumystary bastaldy.
Al, ekinshi kezeńde 60 ga jylyjaıdy quraıtyn 20 joba júzege asyrylatyn bolady.
Sonymen qatar, qalanyń tıimdi ornalasýy kólik-logıstıkalyq áleýetin damytýǵa múmkindik beredi. Osy rette qurylǵan kóliktik-logıstıkalyq ortalyǵynda 60,1 myń sharshy metr bolatyn muzdatylǵan qoımalar paıdalanýǵa berildi. Atalǵan ortalyqta kóterme taratý ortalyǵyn quryp, óndirilgen aýyl sharýashylyǵy ónimderin saqtaý, suryptaý, býyp túıý, fıto-sanıtarlyq baqylaýdan ótkizý, taýar partııasyn qalyptastyrylyp, eksportqa jiberý jumystary josparlanýda.
Odan ózge, bul baǵytta qaladaǵy Qaınar bulaq turǵyn alaby mańynda aýyl sharýashylyǵy ónimderin qaıta óńdeıtin "Bozaryq" tamaq ónerkásibi ındýstrıaldy aımaǵyn qurý josparlanýda. Munda bıologııalyq qospalary bar qunarly qurama jem óndirisin salý jáne sút óndirý zaýytyn salynady dep kútilýde.