Suranysqa ıe mamandardy daıarlaýǵa jaǵdaı jasaldy

Kolledjderdi suranysqa ıe 100 ma­man­dyq boıynsha jańǵyrtý jáne bilikti mamandar daıarlaýdyń halyqaralyq tájirıbesin engizý maqsatynda «Jas maman» respýblıkalyq jobasy iske asyrylyp jatqany belgili. Bilim jáne ǵylym mınıstri Ashat Aımaǵambetovtiń aıtýyn­sha, atalǵan baǵdarlama sheń­berinde kolledjderge tehnıkalyq qu­ral-jabdyq­tar satyp alyp qana qoımaı, bilim berý baǵdar­lamalaryn da jańartý jospar­lanǵan.

Qazirgi ýaqytta elimizdegi 67 kolledj­diń oqý-óndiristik bazasy jańartyldy. Bilim berý uıymdary stýdentterdi suranysqa ıe 100 mamandyq boıynsha­ oqy­tý maqsatynda qajetti zamanaýı qu­ral-jabdyqtar satyp aldy. Shara «Jas maman» jobasyn júzege asyrýdyń birinshi kezeńi aıasynda qolǵa alyndy. Jyldyń sońyna deıin taǵy da 13 kolledjge qajetti tehnıka jetkiziledi. Jal­py, atalǵan joba elimizdiń 180 kol­ledjin qamtıdy, olardyń barlyǵy oqý-óndiristik bazasyn jańarta alady.

«Qazir «Jas maman» jobasynyń birinshi kezeńi júzege asyrylyp jatyr. Bıyl shamamen 80 kolledj ózderiniń teh­nı­kalyq bazasyn jańarta alady. Búginde elimiz boıynsha 67 kolledj ozyq tehnıkamen jabdyqtalǵan. Joba Elbasynyń tapsyrmasy boıynsha tehnıkalyq jáne kásiptik bilim berý júıesin qoldaý maq­satynda iske qosyldy», dedi Bilim jáne ǵylym mınıstrligi Tehnıkalyq jáne kásiptik bilim departamentiniń dırektory Nasymjan Ospanova.

Mysaly, Nur-Sultan qalasy Astana Polytechnic joǵary kolledjiniń avto­kólik jóndeý sheberhanasynda avtokó­liktiń tolyq dıagnostıkasyn jasaýǵa múmkindik beretin zamanaýı jabdyqtar ornatylǵan. Stýdentter sheberhanada jeńil avtokólikterge qyzmet kórsetý jáne jóndeý boıynsha tájirıbe jınaıdy. Sondaı-aq «Jas maman» jobasy aıasynda kolledj alǵash ret oqý elektromobılin satyp aldy. Oqýyn aıaq­­ta­ǵannan keıin kolledj túlekteri qala­lyq avtoparkte jumys isteı alady jáne jańa elektr avtobýstaryna qyzmet kórsetýge múmkindikteri bar.

Atalǵan kolledjdiń dırektory Qa­sym­han Senǵazyev bul baǵdarlama boıynsha bıyl úlken laboratorııalar jumysyn bastaǵanyn jetkizdi.

«Sonyń biri – avtomobılderge qyzmet kórsetý zerthanasy. Eń aldymen, bul kabınetter halyqaralyq standarttarǵa sáı­­kes jasaldy. Sondaı-aq jumys be­rýshi­lerdiń talabyn es­kerdik. Osyǵan deıin qurylǵylar jetis­peýshiligi boldy. Sondyqtan jumys berýshiler túlekterdi jumysqa al­ǵan soń qaıta oqytatyn. Endi jab­dyq­talǵan qurylǵylar arqyly tú­lekter jumysqa ornalasqanda birden jumysqa kirisip ketýine múmkindik bo­­lady. Ár qurylǵynyń óziniń 16-17 zert­­hanalyq jumysy bar. Bul – avtoservıs, TQS-qa barǵan kezde jeńil kólikterge, avtobýstarǵa jáne basqa da túrli kólik­terge qyzmet kórsetýge arnalǵan zerthana», dedi Q.Senǵazyev.

Elordalyq avtoortalyqtyń tehnıka­lyq dırektory Dmıtrıı Ganbanyń aıtýynsha, stýdentterdiń jańa qurylǵy­larmen jumys isteı alýy avtomobılderge tehnıkalyq qyzmet kórsetý salasy mamandarynyń kásibı deńgeıin arttyrady.

«Osy ýaqytqa deıin Qazaqstanda mun­daı deńgeıdegi tehnıkalyq jabdyq­talǵan oqý oryndary bolǵan emes. En­di osyndaı kolledjderdiń mamandaryna elimiz boıynsha suranys artatynyna senimdimin», dep atap ótti avtoortalyqtyń tehnıkalyq dırektory Dmıtrıı Ganba.

Kolledjdegi barlyq sheberhana men zerthanalar «Jas maman» jobasy aıasynda jańartyldy. Oqý jabdyqtary álemdik jetekshi kompanııalardan shamamen 230 mln teńgege satyp alyndy. Baılanys, telekommýnıkasııa jáne aqparattyq tehnologııalar kabıneti de jańa tehnologııalarmen tolyqtyryldy. Endi stýdentter jelilik qurylǵylardy konsolde de, grafıkalyq ınterfeıs­te de basqarýdy úırenedi. Jańa ma­terıaldyq-tehnıkalyq baza eńbek na­ryǵynda suranysqa ıe bilik­ti kadr­lardy daıarlaýǵa múmkindik beredi. Kol­ledjderdegi jabdyqtardy satyp alý men jetkizýdiń ashyqtyǵyn qam­tamasyz etý úshin komıssııa quryldy. Onyń qura­mynda óńirler men máslıhat depýtat­ta­ry, táýelsiz sarapshylar, óńir­lik kásip­ker­ler palatasynyń jáne Sybaılas jem­­qor­lyqqa qarsy is-qımyl agenttiginiń Ar­naıy monıtorıngtik tobynyń ókilderi bar.

«Jas maman» jobasy aıasynda jańa jabdyqtardy satyp alýmen qatar oqý josparlary men baǵdarlamalar ázirlenýde. Sondaı-aq kolledjderdiń sheberhana­lary men zerthanalarynda jóndeý ju­mys­tary júrgizilip jatyr. Suranysqa ıe 100 mamandyqtyń tizimin Eńbek jáne halyqty áleýmettik qorǵaý mınıstrligi jasaǵanyn atap ótken jón.

Aıta ketetin taǵy bir jaıt, Bilim jáne ǵylym mınıstrliginiń aıtýyn­sha, buǵan deıin biliktilik sanattary úshin qosymsha tólem­derdi tek mek­­tep muǵalimderi al­ǵan bolatyn. «Pedagog mártebesi týraly» zańnyń qabyl­danýymen kolledj pedagogteri de bilik­tilik sanaty beril­gen­nen keıin aı saıyn qosymsha aqy alatyn bolady.

«Memleket basshysynyń qoldaýymen 2020 jyldyń qańtar aıynan bastap kolledj pedagogteriniń jalaqysy artty, aldaǵy jyldary da arta túspek. Bilik­tilik sanaty úshin pedagogterge qosymsha aqy tóleý máselesi kóp jyl boıy kó­teril­gen bolatyn. Eger mektepterde mu­ǵalimder biliktilik sanattary úshin qo­symsha aqy alsa, kolledjderde mun­daı úrdis bolǵan joq. Endi kolledj pe­da­gogteri de aı saıyn laýazymdyq ja­laqysynyń 30-dan 50 paıyzyna deıin qosymsha aqy alatyn bolady. О́z keze­ginde kolledj dırektorlary men dırektor orynbasarlarynyń atqarǵan ju­my­synyń tıimdiligine baılanysty óz jalaqysynyń 100 paıyzyna deıin qosymsha aqy alý múmkindigi bar. Bul áriptesterimizdiń jumysqa degen ynta-jigerleri men jumystyń tıimdiligin arttyra túspek», degen edi mınıstr.