Aldaǵy Májilis saılaýynda daýys berýshiler tizimine kirgizilgen azamattardyń sany 11 820 318 adamdy qurady. Bul týraly búgin Ortalyq saılaý komıssııasy tóraǵasynyń orynbasary Konstantın Petrov málimdeıdi, dep habarlaıdy Egemen.kz
"Ortalyq saılaý komıssııasy aldaǵy naýqannyń kezekti sıpatyn eskere otyryp, jergilikti atqarýshy organdarmen birge 2020 jyldyń 1 qazanyndaǵy jaǵdaı boıynsha saılaýshylardyń tizilimin ózektendirdi. Atalǵan jumys 1 qazandaǵy jaǵdaıǵa sáıkes saılaýshylar tizilimine 11 820 318 adamdy tirkeýge múmkindik berdi. Erterekte, derekózi ártúrli bolǵan kezde keıbir azamattar eki túzilimde nemese birde-birinde bolmaı shyqqan. Qazir bul tájirıbe joıyldy dep sanaımyz", dedi ol OSK tóraǵasynyń orynbasary.
Konstantın Petrovtyń aıtýynsha, saılaýshylardyń tizilimin qalyptastyrý saılaý prosesinniń mańyzdy uıymdastyrýshylyq elementteriniń biri sanalady.
"Saılaýshylardyń tizilimi negizinde azamattar ózderiniń el Parlamenti Májilisi jáne málıhattar depýtattaryn saılaýǵa arnalǵan konstıtýsııalyq quqyqtaryn júzege asyrady. Osyǵan oraı saılaýshylardyń barynsha tolyqqandy ári naqty tizilimin túzý jeke jergilikti atqarýshy organdardyń ǵana emes ákimdikterdiń, aýmaqtyq saılaý komıssııalarynyń jáne árbir saılaýshynyń birlesken jaýapkershiligi retinde qarastyrǵan jón", dedi Konstantın Petrov.