Statıstıka komıtetiniń habarlaýynsha, 2020 jylǵy III toqsanda bir qyzmetkerdiń ortasha aılyq ataýly jalaqysy 204330 teńgeni qurady, dep habarlaıdy Egemen.kz Qazaqstan ulttyq telearnasyna silteme jasap.
Salalyq qurylymda eń úlken jalaqy taý-ken óndirý ónerkásibi jáne karerlerdi qazý – 448,5 myń teńge (ortasha respýblıkalyq deńgeıden 2,2 esege asty), qarjy jáne saqtandyrý qyzmetinde – 381 myń teńge (1,9 esege asty), kásibı, ǵylymı jáne tehnıkalyq qyzmette – 314,8 myń teńge (1,5 esege asty), aqparat jáne baılanys salasynda – 276,1 myń teńge (1,4 esege asty), kólik jáne jınaqtaý salasynda – 249,9 myń teńge (1,2 esege asty) dep belgilendi.
Eń tómengi ataýly jalaqy aýyl, orman jáne balyq sharýashylyǵynyń qyzmetkerlerinde – 142,6 myń teńge, bul respýblıka boıynsha orta kórsetkishten 30,2 %-ǵa tómen.
О́ńirler boıynsha eń joǵarǵy jalaqy Atyraý oblysynda tirkeldi – 350,8 myń teńge, bul ortasha respýblıkalyq kórsetkishten shamamen 1,7 esege asady. Túrkistan oblysynda munyń shamasy 148,6 myń teńgeni qurady, bul el boıynsha ortasha deńgeıden 27,3%-ǵa tómen.