Infeksııalyq aýrýhana paıdalanýǵa berildi

Koronavırýsqa qarsy kúres shara­­lary barysynda salynǵan jańa aýrý­ha­­nanyń ereksheligi sol – syrttaı qa­raǵanda shaǵyn ǵana emdeý me­ke­me­­si sııaqty. Alaıda stasıo­nar­dyń jo­ǵary tehnologııalyq zamanaýı qu­­ryl­­ǵylarmen qamtylǵan ar­naıy zert­­ha­nasy, dıagnostıka orta­ly­ǵy, ota ja­saıtyn bólimi bar. Infek­sııa­lyq or­talyqtyń basty erek­sheligi – munda dárigerler naýqasqa arnaıy qon­dy­ryl­ǵan planshet arqyly qashyq­tan ba­qy­laý júrgize alady.

Infeksııalyq stasıonar ob­lys­tyq aýrýhanaǵa qaraıdy. Munda naý­qas­tardy ottegimen qamtamasyz etý­diń ortalyqtandyrylǵan júıesi bar. Iаǵnı 8 tonna suıyq ottegi arnaıy sısternaǵa quıylyp, qajet bolǵan jaǵdaıda ár tósekke ornatylǵan qu­ryl­ǵy arqyly naýqasqa qosylady. Sta­sıonardaǵy qaldyqtardy joıýdyń tıim­di jolyn qarastyrý da eskerilgen. Qal­dyqtardy untaqtap, zararsyzdandyryp, qorshaǵan ortaǵa zııan keltirmeýin qamtamasyz etetin arnaıy júıe jumys istep tur. Sozylmaly gemodıa­lızi bar jáne koronavırýs­pen aýyr­ǵan naýqastardyń qanyn ta­zar­tý qajet bolǵan jaǵdaıda, gemodıalız­den ótkizý úshin sý tazartatyn, sý daıyn­daıtyn biregeı júıe bar. Ol jan­­saqtaý tósekterine qosýly tur­ǵan­dyq­tan, naý­qas­ty mazalap basqa jaqqa aýys­ty­rý­dyń keregi joq.

Qabyldaý bóliminiń ereksheligi týraly da aıta ketken jón. Munda KT qurylǵysy men rentgen apparaty tur. Bul qurylǵylardyń kómegimen aýrýhanaǵa túsken naýqas birden negizgi dıagnostıkalyq zertteýlerden ótedi. Barlyǵy zamanaýı jeńil plastık materıaldardan jasalǵan. Sondyqtan tez jýylyp, tez zararsyzdanady. Ár palatada 2-3 tósek qoıylǵan. О́te qolaıly, jaryq ári jyly. Naýqastar dá­rethana, arnaıy tazartýdan ótken aýyz­­­sýmen qamtamasyz etilgen. Bul in­det juqtyrǵan naýqasqa da, ony em­deı­tin dárigerge de psıhologııalyq tur­ǵy­dan qolaıly jaǵdaı týǵyzady.

«Qazir naýqastardyń kóbi ambý­la­to­rııalyq jaǵdaıda emdelip jatyr. Sondyqtan ázirshe jańa ınfeksııalyq stasıonarda medısınalyq qyz­met­kerleri jetkilikti. Alaıda alda­ǵy ýa­qyt­ta 200 naýqasqa deıin qabyl­daıtyn bolsaq, bizge qosymsha medı­sınalyq qyzmetkerler men parame­dık­terdi ju­mysqa alýǵa týra keledi», deıdi Aıdan Narymbaev.

Infeksııalyq ortalyq 200 naý­qas­qa shaqtalǵan. 20 oryndyq jan saqtaý bólimi, endoskopııalyq jáne ýltradybyspen emdeý bólimi taǵy bar. Jańa aýrýhanany taza jáne las aımaqqa bólip turatyn 8 modýl qarastyrylǵan. Ortalyq ǵımarattarynyń qos qapta­lyn­­da bir-birine qarama-qarsy orna­las­­qan eki esik bar. Koronavırýs juq­­tyryp, aýrýhanaǵa jetkizilgen naý­­qastar birinshi esikten kiredi. Al der­tinen aıyqqan adamdar ǵımarattyń ekin­shi jaǵyndaǵy basqa esikten shy­ǵa­dy.

Bir qabatty aýrýhana ǵımaratynyń jalpy aýdany 6800 sharshy metr bolady. A.Narymbaevtyń aıtýynsha, munda aýany tazartyp otyratyn keri jeldetkish ornatylǵan. Iаǵnı pala­ta­daǵy las aýa dálizge shyqpaıdy. Aýrý­ha­nadaǵy barlyq aýa arnaıy zararsyzdandyrý qurylǵysy arqyly súzgiden ótip, tazartylǵan kúıde dalaǵa bólinip shyǵady.

Qostanaı oblysy