ERG quramyndaǵy "Sokolov-Sarybaı ken-baıytý óndiristik birlestigi" AQ dırektorlar keńesiniń sheshimimen aksıonerlik qoǵamnyń prezıdenti qyzmetine Valerıı Ivanovıch Grınenko taǵaıyndaldy, dep habarlaıdy Egemen.kz.
Valerıı Grınenko Eýrazııalyq Top qurylymynda 20 jyldan astam ýaqyt jumys istep keledi. Dnepropetrovsk metallýrgııa ınstıtýtyn "Qara metaldar metallýrgııasy" mamandyǵy boıynsha bitirgen. Tehnıka ǵylymdarynyń doktory, 40-tan astam ǵylymı jumystardyń, patentter men monografııalardyń avtory, ǵylym, tehnıka jáne bilim salasyndaǵy Qazaqstan Memlekettik syılyǵynyń ıegeri.
Valerıı Grınenko eńbek jolyn 1984 jyly Nıkopol ferroqorytpa zaýytynda kórikshi bolyp bastaǵan. 1985 jyly Aqtóbe ferroqorytpa zaýytynyń №1 sehy óndiristik sheberiniń kómekshisi bolyp jumysqa qabyldandy. Sol jyly sehtyń óndiristik sheberin qyzmetine aýysyp, kásiporynnyń bas dırektorlyǵyna deıin kásibı ósýdiń barlyq kezeńderinen ótti.
Buǵan deıin "SSKО́B" AQ prezıdenti bolyp jumys istegen Bereke Saǵatuly Muhametqalıev Eýrazııalyq Topta tabysty eńbek etip kele jatqanyna 20 jyldan asty. Onyń basshylyǵymen SSKО́B Eýrazııalyq Toptyń kásiporyndary arasynda alǵashqylardyń biri bolyp sıfrlyq tehnologııalardy engize bastady. 2017 jyldyń jeltoqsanynda "Aqyldy kenish" jobasy iske qosylǵan. Jańashyldyq nátıjesinde kásiporyn shyǵaratyn ónimniń ekonomıkalyq tıimdiligi artty. "Aqyldy kenish" QR Prezıdenti Nursultan Nazarbaevtyń qatysýymen ótken telekópir kezinde iske qosyldy jáne ony Memleket basshysy joǵary baǵalady.