Besinshi qarasha – Áskerı barlaý kúni. Barlaýshylardyń qyzmeti esh ýaqytta jarııalanbaıdy. Bul qyzmet udaıy qaýippen jáne táýekelmen baılanysty.
Búginde halyqaralyq jaǵdaı joǵary belsendilikpen jáne boljamsyzdyqpen erekshelenedi. Aqparattyq, gıbrıdtik jáne assımetrııalyq kúres ádisteri júrýde, lańkestik aktileri jasalynýda. Sondyqtan áskerı barlaýshylardyń mindetteri aıtarlyqtaı kúrdeli.
Barlaýshy jaýyngerler ózderiniń daǵdylary men eptilikterin jedel, jaýyngerlik daıarlyqtarda jáne oqý-jattyǵý is-sharalary barysynda jetildirip, shyńdaıdy. Onda barlaýshylar dalalyq eptilik pen joǵary áskerı sheberlikti kórsetedi. Sonyń nátıjeleri Qazaqstan Qarýly Kúshterinde otandyq mamandardy daıarlaý júıesi bar ekenin kýálandyryp qana qoımaı, osyǵan uqsas shetel mamandarynan kem soqpaıtyn kórsetedi.
Qazaqstandyq áskerıler halyqaralyq barlaý toptary, mergen juptary, patrýlder sııaqty saıystarda júldeli oryndardy ıelenip júr.
Barlaý bólimshelerinde aldyńǵy býynnyń dástúrin qasterleıdi jáne olardy jaýyngerlik tájirıbede qoldanady. Eń kúrdeli, ómirge qaýip tónetin jaǵdaıda keıde iske asýy qısynsyz mindetterdi oryndaý kezinde olar aıryqsha batyrlyq, shydamdylyq jáne kásibılik kórsetedi.
Otanǵa degen sheksiz adaldyq, janqııarlyq – memlekettiń múddesin qorǵaýdaǵy áskerı barlaýshylardyń negizgi qasıetteri.