Memleket basshysy Qasym-Jomart Toqaev mádenıet jáne óner qyzmetkerlerin marapattaý rásiminde sóz sóılep, dástúrli ónerdi, ásirese, jyr, terme, kúı ónerin damytýǵa erekshe mán berý qajet dep sanaıdy, dep habarlaıdy Egemen.kz.
Prezıdenttiń aıtýynsha, mádenıet pen óner salasy el ómiriniń ajyramas bóligi retinde árdaıym memleket nazarynda bolady.
«Elimizdiń tól mádenıeti dúnıe júzine laıyqty deńgeıde tanylyp keledi. Halqymyz jaqsy kóretin áıgili mýzykanttar, ánshiler, akterler, sýretshiler, bıshiler, kreatıvti ındýstrııa ókilderi jáne basqa da óner sheberleri qazirgi qazaq rýhanııatynyń jarqyn bet-beınesine aınaldy. Qazaqstannyń shetelde keńinen tanylǵan medıa jobasy – Silk Way Star halyqaralyq án baıqaýy. Bul – zamanaýı mádenı dıplomatııanyń bir úlgisi. Elimiz halyqaralyq uıymdarmen yqpaldastyqty aıtarlyqtaı kúsheıtti. Iri mádenı-aǵartý jobalary belsendi túrde qolǵa alynyp, ǵylymı bastamalar kóterilýde. Bul san qyrly qazaq mádenıetin nasıhattaý baǵytyndaǵy durys ári qajetti is. Búgingi kezdesýimiz mańyzdy kúnniń qarsańynda ótýde. Munyń sımvoldyq máni zor. 1992 jyly 22 mamyrda Qazaqstan IýNESKO-nyń tolyq múshesi atandy. Aıtpaqshy, osydan 34 jyl buryn, dál sol kúni mınıstrdiń orynbasary retinde atalǵan bedeldi halyqaralyq uıymnyń Parıjdegi shtab-páterine baryp, IýNESKO-nyń sol kezdegi Bas dırektory Federıko Maıormen birge osy tarıhı ýaqıǵaǵa qatysty qujatqa qol qoıǵan edim. Sodan beri elimizdiń jıyrmaǵa jýyq materıaldyq jáne materıaldyq emes murasy, sonyń ishinde Túrkistandaǵy Qoja Ahmet Iаsaýı kesenesi IýNESKO tizbelerine endi. Bul tizim aldaǵy ýaqytta ulǵaıa túsedi. IýNESKO isteri jónindegi ulttyq komıssııa men tıisti mınıstrlikterge osyndaı mindet júkteldi», dedi Memleket basshysy.Prezıdent saltanatty is-sharaǵa qatysýshylardy Mádenıet jáne óner qyzmetkerleri kúnimen quttyqtady.