Amerıka qurama shtattarynyń turǵyndary saılaý nátıjesiniń áli de jarııalanbaı jatqanyna narazylyqtaryn bildirdi, dep habarlaıdy Egemen.kz
Nıý-Iork qalasynyń tártip saqshylary Manhetten kóshesindegi narazylyq bildirýshilerdi ustaı bastady. Belsendiler AQSh prezıdent saılaýyndaǵy barlyq daýysty esepke alýdy talap etip jatyr eken.
"Bir top adam polıseılerdi balaǵattaǵan. Sondyqtan quqyq qorǵaý organdarynyń qyzmetkerleri olardy ustap, jerge jatqyzyp, kisen salyp jatyr. Qalǵan polıseıler tártip buzǵandardy ustap jatyr", deıdi jergilikti basylym.
Mıchıgan shtatynda da narazylyq sharasy ótip jatyr. NBC telearnasynyń málimetinshe, ondaǵan adam bıýlletender eseptelip jatqan jerge kelip, daýystardy sanaýdy toqtatýyn talap etýde.
Sondaı-aq derekkóz málimetinshe, Vashıngtondaǵy Aq úıdiń mańynda da qaqtyǵys bolyp jatyr. Qazirgi ýaqytta onda polıseıler júr eken. AQSh-taǵy prezıdent saılaýynyń qorytyndysy nege jarııalanbaı jatqany belgili boldy. Nevada shtatyndaǵy daýys berýshiler áli eseptelmedi. Olar tek búgin, 5 qarashada jergilikti ýaqyt boıynsha saǵat 10.00-de (Nur-Sultan ýaqyty boıynsha saǵat 21.00-de) jarııalanady. Qazirgi ýaqytta shtatta daýys bergenderdiń shamamen 75 paıyzy eseptelgen. Osyǵan baılanysty saılaý qorytyndysy áli jarııalanbaǵan.
Aıta keteıik, aldyn ala málimet boıynsha Nevadada Baıdenge 588 252 adam daýys berse (49,3 paıyz), Trampqa 580 605 adam (48,7 paıyz) daýys bergen.