Qostanaı oblysynda kitaphana, mýzeı, galereıalarǵa, sondaı-aq ónersúıer qaýym kóp jınalatyn kórmelerge 65 jastan asqan adamdardyń bas suǵýyna tyıym salyndy. Mádenı nysandarǵa kelýshilerdiń sany 30 adamnan aspaýy tıis.
65 jastan asqan egde kisiler azyq-túlik dúkenine, dárihanaǵa, emdeý mekemelerine barý qajet bolǵanda nemese qoqys shyǵarýǵa týra kelgen jaǵdaıda ǵana kóshege shyǵa alady. Aımaqtyń bas sanıtarlyq dárigeri V.Nechıtaılo qol qoıǵan qaýlyǵa sáıkes, talap saqtalmaǵan jaǵdaıda tártip buzǵan qarttarǵa 30 AEK mólsherinde aıyppul salynady.
Sonymen qatar qoǵamdyq monshalar men saýnalar bir adamdy kem degende 4 sharshy metrlik orynmen qamtamasyz etýi kerek. Bul nysandar jumys kúnderi jýynýshylardy mindetti túrde jazbasha túrde aldyn ala tirkeýge qoıý arqyly tańǵy 8.00-den 21.00-ge deıin ǵana jumys isteıdi. Onda da jýyný bólmesinde monshaǵa syıatyn adamnyń 30%-y ǵana bolýy talap etiledi.
Sport keshenderi, sport mektepteri, sport klýbtary, jattyǵý zaldary, fıtnes-ortalyqtar, sporttyq-saýyqtyrý ortalyqtary sııaqty jabyq sport nysandary saǵat 7.00-den 22.00-ge deıin jumys isteıdi. Jattyǵýlarǵa qatysýshylardyń sany 5 adamnan aspaýy qajet.
Ujym nemese top bolyp tabıǵat aıasyna shyǵýǵa, kórneki oryndardy aralaýǵa shekteý qoıyldy. Mundaı ekskýrsııalarǵa tek quramynda ári ketkende 3-4 adamy bar otbasylyq toptarǵa ǵana ruqsat etiledi.
Sondaı-aq balalar men eresekterge elektromobıl, pedaldy avtomobıl, kartıng, gıdroskýter sııaqty qozǵalys quraldaryn jalǵa berý oryndarynyń jumysyna da tyıym salyndy.
Azyq-túlik jáne basqa da taýarlar satatyn ashyq saýda ortalyqtary jumys jáne demalys kúnderi 10.00-den 17.00-ge deıin jumys isteıdi. Al jabyq saýda ortalyqtaryna demalys kúnderi jumys isteýge shekteý qoıyldy.
Dinı mekemeler demalys kúnderi jumysyn toqtatpaıdy. Alaıda 1 adamǵa 5 sharshy metr qarastyrylyp, kelýshiler ǵımaratqa syıatyn adamdardyń 30 paıyzynan aspaýy kerek.
Qostanaı oblysy