6 qarashada Qarasý aýylynda bolǵan jol-kólik oqıǵasynyń saldarynan polısııa tergeýshisi qaza tapty. «Lada-Granta» kóligin minip kele jatqan 33 jastaǵy júrgizýshi jaıaý júrginshi jolaǵynan ótip kele jatqan polısııa qyzmetkerin qaǵyp ketken. Aýyr jaraqat alǵan polısııa kapıtany Svetlana Isaeva aýrýhanaǵa jetkizilip, búgin tańerteń kóz jumdy.
Oblystyq polısııa departamentiniń baspasóz qyzmeti «Qazir QR QK 345-baby boıynsha sotqa deıingi tergeý bastaldy. Qazir tergeýshiniń ústinde qyzmettik kıim bolǵany jáne jumystan shyǵyp, úıine kele jatqany anyqtaldy. Polısııa basshylyǵy men jeke quramy marqumnyń otbasynyń qaıǵysyna ortaqtasyp, kóńil aıtady», - dep málimdedi.
33 jastaǵy Svetlana Isaeva polısııa sapynda 6 jyl qyzmet atqarǵan.
Qostanaı oblysy