«Azamattarǵa arnalǵan úkimet» memlekettik korporasııasy «Jyljymaıtyn múlikke quqyqtardy memlekettik tirkeý týraly» Zańynyń 6-babyna sáıkes, memlekettik organdardyń sheshimimen jyljymaıtyn múliktiń sáıkestendirý sıpattamalary ózgergen jaǵdaıda, ózgeristerdi tirkeý quqyq ıesine júktelmeıtinin eske salady.
Mundaı ózgeristerge, atap aıtqanda, eldimekenderdiń ataýlary, kóshe ataýlary, sondaı-aq ǵımarattardyń jáne basqa qurylys nysandarynyń (meken-jaılardyń) rettik nómiriniń ózgerýi nemese QR ákimshilik-aýmaqtyq qurylym reformasyna baılanysty kadastrlyq nómirlerdiń aýysýy jatady.
Jyljymaıtyn múliktiń sáıkestendirý sıpattamasy boıynsha memlekettik organdardyń sheshimimen engen ózgeristerdi memlekettik tirkeý memlekettik aqparat júıelerin ózara yqpaldastyrý aıasynda júzege asady.
Endi jyljymaıtyn múlik obektisiniń mekenjaıy ózgergen jaǵdaıda, tirkelgen quqyqtar men jyljymaıtyn múlik obektisiniń tehnıkalyq sıpattamalary týraly anyqtamada mekenjaıdyń tarıhı derekteri qosa kórsetiledi (jańa mekenjaımen birge eski mekenjaı ataýy da jazylady). Mysaly, Almaty q., Z. Qabdolov k-si, 15 (budan buryn Almaty q., Marechek k-si, 15).
Sonymen qatar quqyq belgileýshi qujattarda aldyńǵy málimetter saqtalady, bul rette jyljymaıtyn múlik obektileriniń mekenjaıyn naqtylaý qajet emes.