Qostanaı oblysyndaǵy sary bıdaıymen aty shyqqan Sarykól aýdanynyń ortalyǵyndaǵy abattandyrý jumystary bıyl jaz boıy tolastaǵan joq. Máselen, ortalyq alańdaǵy Táýelsizdik monýmenti men Dańq qabyrǵasyn kúrdeli jóndeý jumystary taıaýda ǵana aıaqtalyp, jańa keıipke engen kelisti eskertkishter aýyldyń ajaryn asha tústi.
Jańartylǵan eskertkishterdiń aınalasy abattandyrylyp, aǵash kóshetteri otyrǵyzyldy. Gúlzarlar keńeıtilip, monýmenttiń mańyna turǵyndar bir aýyq otyryp, demalatyn oryndyqtar qoıyldy.
– Bıyl Sarykól kentiniń ortalyq alańyn abattandyrýǵa kóp kúsh jumsadyq. 2008 jyly ornatylǵan Táýelsizdik stellasy kúrdeli jóndeýden ótkizildi. Jaramsyz keramogranıt tósenishteri aýystyrylyp, gúlzarlardyń syrtqy túri ózgerdi. Munyń bári jergilikti bıýdjet pen aýyl kásipkerleriniń qarjysyna jasalyp jatqan dúnıe, – dedi aýyl ákimi Sergeı Gorshenın.
2018 jyly salynyp, bıyl qaıta jańartylǵan Dańq qabyrǵasynda osy aýyldan Otan soǵysyna attanǵan maıdangerler men Eńbek erleriniń esimderi, aýdan, oblys kólemine belgili aýyldyń azamattarynyń fotosýretteri ilýli tur. Bul eskertkish te áktelip, syrlanyp, jańa keıipke engen.
Aýyldyń ortalyq alańyna jańa kespetas tóselipti. Endi mereke kúnderi saltanatty is-sharalar ótkizýge arnalǵan sahna men minberdi jańartý jumystary júrip jatyr.
Qostanaı oblysy