Kırovsk qalasynda Sultan Baımaǵambetovtiń músini qoıyldy

S.Baımaǵambetov atyndaǵy gımnazııanyń aldyna qoıyl­­ǵan eskertkish ýaqyt óte tozyńqy­rap qalǵan edi, bıyl Sankt-Pe­terbýrg qalasyndaǵy qazaq ul­ttyq-má­denı birlestigi men Lenıngrad oblysynyń «Ata-meken» bir­lestiginiń já­ne Qazaqstan­nyń Sankt-Pe­ter­býrgtegi bas kon­sýl­dyǵynyń yq­pal etýi­men, es­kertkishtiń aınalasy abattandyrylyp, mú­sin qaı­ta jańartyldy. Batyr es­­kertkishiniń bútindelýine Qostanaı oblysynyń k­á­sip­­kerleri demeýshilik etip, 1 mln rýbl kóleminde qarjy aýdarǵan.

Eskertkishtiń ashylý rásimine Qazaqstannyń Reseıdegi elshisi Ermek Kósherbaev pen Lenıngrad oblysynyń gýbernatory Alek­sandr Drozdenko qatysty. Sal­tanatty jıyn barysynda Qazaqstan elshisi músinniń ashylýy Sultan Baımaǵambetovtiń 100 jyldyǵy men Jeńistiń 75 jyldyǵyna oraılas kelgenin tilge tıek etip, Lenıngrad ob­lysynyń basshylyǵyna, batyr atyndaǵy bilim ordasynyń oqýshylary men ustazdaryna alǵys aıtty.

– Keńes Odaǵynyń Batyry Sultan Baımaǵambetovtiń ósh­pes erligi eki el jastarynyń jadynda máńgi saqtalady. Bizdiń batyr jerlesimizdiń eskertkishin qaster­li oryndardyń birine aı­naldy­ryp, erligin keıingi ur­paq­qa ónege etip, qurmettep otyr­ǵan Kırovsk qalasynyń tur­ǵyndaryna rııasyz júregimmen al­ǵys aıtamyn. Kórshiles eki mem­leketke ortaq tarıhı kezeń­der, eskertkishter bar. Olar­ǵa qur­met kórsetý qos halyq­tyń ara­syndaǵy dostyq pen syı­las­t­yqty burynǵydan da ny­ǵaı­ta túsetini anyq, – dedi Ermek Kó­sherbaev.

Lenıngrad oblysynyń gýbernatory Aleksandr Drozdenko Lenıngrad úshin bolǵan keski­les­ken shaıqasta erlikpen qaza tapqan qazaqtyń qaharman uly Sultan Baımaǵambetovtiń esimin jergilikti jurtshylyq eshqashan umytpaıtynyn atap ótti.

– Osy jer úshin shaıqasyp, qaza tapqan jaýyngerler ultyna qarap bir-birin alalaǵan joq. Olar qaı jerde týǵanyna qara­mastan, qan sasyǵan maıdan dalasynda ortaq otan úshin soǵysty. Men úshin mańyzdysy, surapyl soǵystyń jańǵyryǵyn jalǵyz biz – lenıngradtyqtar ǵana este saqtap qalǵan joqpyz, bizben birge qazaq halqy da osy topyraqty máńgi jastanǵan qaharman ul­da­ryn joqtaıdy, – dedi gýbernator.

Taǵylymdy sharanyń sońy­na taman Ermek Kósherbaev pen Aleksandr Drozdenko eskert­kishke gúl shoqtaryn qoıyp, batyr rýhyna taǵzym etti.

1943 jyly Sınıavın bıigi úshin bolǵan urysta ambrazýra­ny denesimen tunshyqtyryp, er­likpen qaza tapqan batyr Sultan sol jerde qarýlas baýyrlastar qorymyna jerlengen.

Qostanaı oblysy