Qostanaı oblysynda eki elik atyp alǵan brakonerler toby ustaldy. Olardan eki uńǵyly myltyq tárkilenip alyndy. Qostanaı oblysynyń Uzynkól aýdanynda ótken jedel-aldyn alý is-sharasy barysynda zańsyz ań aýlady degen kúdikpen birneshe adam ustaldy, dep habarlaıdy Egemen.kz.
7 qarasha kúni Uzynkól aýdandyq polısııa bóliminiń ýchaskelik ınspektory men Presnogorkov aýyldyq okrýginiń qoryqshysy Konıaevo kóliniń mańynda "Toyota Hilux" markaly avtokólikti ustaıdy. Qostanaı oblysynyń tórt turǵyny otyrǵan jol talǵamaıtyn kóliktiń janynda zańsyz atylǵan elik jatqan. Tekserý barysynda polısııa qyzmetkerleri "Toyota Hilux" avtokóligin, eliktiń denesin, 16 kalıbrli tirkelmegen eki uńǵyly myltyqty tárkiledi.
"Atalǵan derek QR QK 337-baby boıynsha tirkelip, tergeý júrgizilýde", - dep málimdedi oblystyq polısııa departamentiniń baspasóz qyzmeti.