Aımaqtardy damytý baǵdarlamasyna oraı, Qostanaı óńirin gazdandyrý jumystary qarqyndy júrgizilýde. Ortalyqtan alysta ornalasqan Qamysty aýylyna da kógildir otyn jetetin boldy.
Byltyr bul aýdandy gazben qamtamasyz etýdiń ekinshi satysy sheńberinde 270 mln teńge ıgerilse, bıyl atalǵan qarajat kólemi 800 mln teńgege jetti. Keler jylǵa taǵy 750 mln teńge qarastyrylǵan. Bul qarajatqa Qamysty-Altynsarın joǵary qysymdy gaz qubyry tartylmaq. Qubyrdyń jalpy uzyndyǵy – 60 shaqyrym. Joba tolyq júzege asqanda 3000-ǵa jýyq halyq kómir men qı jaǵýdyń áleginen qutylady.
– Kógildir otyn qubyryna jaqyn mańdaǵy Bestóbe jáne Adaev aýyldary qosylady. Bul joba bizdiń aýdan halqy úshin óte mańyzdy, – deıdi aýdan ákimi Ǵazız Bekmuhambetov.
Aldaǵy ýaqytta aýdanda iske asyrylatyn tyń jobalar men jumystar kóp. Basty mindet – ekonomıkanyń álsireýine jol bermeý. Eksporttyq áleýetti arttyrý úshin qurama jem daıyndaıtyn seh salynbaq. Aýdan ekonomıkasyndaǵy oń ózgerister birinshi kezekte jergilikti turǵyndardyń turmys sapasyn jaqsartýǵa áser etýde.