AQSh memlekettik hatshysynyń Bilim jáne mádenıet jónindegi kómekshisi Marı Roıs qarashanyń ekinshi jartysynda Qazaqstanǵa ushyp keledi. Bul týraly AQSh Memlekettik departamentiniń ókilderi málim etti, dep habarlaıdy Egemen.kz
Aldyn ala málimetter boıynsha Marı Roıs Nur-Sultan men Almatyǵa keledi.
"Memlekettik hatshynyń kómekshisi Roıs Qazaqstan úkimetiniń joǵary laýazymdy múshelerimen kezdesip, bilim jáne mádenıet salasyndaǵy ekijaqty yntymaqtastyqty talqylaıdy", delingen Memlekettik departamenttiń habarlamasynda.
Sondaı-aq Roıstyń birlesken bilim berý baǵdarlamalarynyń qatysýshylarymen jáne túlekterimen kezdesip, Qazaqstan men Chevron munaı kompanııasy arasyndaǵy ǵylym, tehnologııa jáne bilim salasyndaǵy áriptestik týraly qujatqa qol qoıatyny aıtylady.
Degenmen, onyń Qazaqstanǵa saparynyń naqty kúnderi atalmady.