Qostanaıda «Nur Otan» partııasy oblystyq fılıalynyń kezekten tys XXVIII konferensııasy óz máresine jetti, dep habarlaıdy Egemen.kz.
Jıyn barysynda delegattar «Praımerız» aqparattyq júıesi arqyly 23 úmitkerge daýys berdi. 150 delegat osy úmitkerlerdiń ishinen laıyqtylardy anyqtady. Bul jerde ár delegatqa bir úmitkerge nemese tizimdegibarlyq úmitkerge daýys berýge múmkindik berilgenin aıta ketken jón.
Konferensııaǵa qatysýshylardy oblys ákimi quttyqtap, partııaishilik irikteýge belsendi at salysqandary úshin alǵys bildirdi. «Bıyl partııa tarapynan aýqymdy jumys atqarylyp otyr. Jaqynda ǵana partııaishilik saılaý – praımerız ótken bolatyn. Búgingi konferensııamyzdy sol is-sharalardyń zańdy jalǵasy dep túsinińizder. Jalpy, oblysta ótken praımerızge 843 adam qatysty. Onyń 43%-y áıelder (362), 30%-y (249)35 jasqa deıingi jastar. Bastaýysh partııa uıymdary 244 azamatty usynsa, 600 adam ózin-ózi usyndy. Partııanyń kadrlik rezervine 584 adam usynyldy. Naýqan aıasynda 7 myńnan astam is-shara ótkizildi» - dedi «Nur Otan» partııasynyń oblystyq fılıaly tóraǵasy Arhımed Muhambetov.
Onlaın daýys berý aldynda barlyq kandıdattar pikirsaıysqa qatysty. Pikirsaıys barysy partııanyń oblystyq fılıalynyń áleýmettik jelilerdegi resmı akkaýntynda tikeleı efırde kórsetildi. Úmitkerler ózderiniń saılaýaldy baǵdarlamalarynyń basymdyqtary týraly áńgimelep, odan keıin áriptesteriniń suraqtaryna jaýap berdi. Jalpy, praımerızge qatysýshylar oblys turǵyndarynyń ómir sapasyn jaqsartýdy kózdeıtin jalpy sany 800-ge jýyq baǵdarlama ázirlegen. Bul usynystar «Nur Otan» partııasynyń baǵdarlamasyna da engizildi.
Konferensııa delegattarynyń onlaın-daýys berý nátıjeleri boıynsha Ekaterına Smyshlıaeva(144), Samat Akıshev (128), Qyrmyzy Jańbyrshına (103), Ádil Agaısın (91) sııaqty partııa músheleri eń kóp daýysqa ıe boldy.
Konferensııa barysynda sanıtarlyq-epıdemııalyq talaptar qatań saqtalyp, jıynǵaqatysýshylardyń bári aldyn-ala PSR synaǵynan ótti.
Qostanaı oblysy